Хоббиін кәсіпке айналдырған азамат

Ақтөбе облысының Алға ауданында онға жуық құс түсірін өсірумен айналысатын кәсіпкер тұрады. Асыранды құстарды қолда өсіріп, табыс көзіне айналдырған кәсіпкер бұған бала күнінен әуес болғанын айтады.

Алға ауданына қарасты Есет батыр ауылында тұратын Таңат Қонысбаевтың ауласы құдды құстар бағы дерсің. 48 жастағы кәсіпкер Ақтөбе өңірінде жиі кездесетін қаз, үйрек секілді құстардан бөлек тауыс пен күркетауықты да өсіреді.

- Жаз мезгілінде ауламда үш жарым мыңға жуық құс болды. Арасында үйрек-қаздан бөлек тауыс, күркетауық, брама, мысыр тауықтары, бөдене мен көгершіндер болды. Салқын түскеннен бері, құстың санын азайтып жатырмын. Қазір алты жүздей құс қалды. Үйрек пен қазды семіртіп, Ақтөбеге әкеліп сатып жатқан жайым бар. Үйректерді 2-3 мың теңгеден саудаласам, қаздар 5 мың теңгеге сатылып жатыр, - дейді Таңат Қонысбаев.

Отбасылық кәсібін дөңгелетіп отырған ауыл тұрғыны құс өсіруге бала күннен әуес болғандығын айтады. Хоббиін табыс көзіне айналдыруды көздеген ол биыл “Жұмыспен қамту-2020” бағдарламасы арқылы 2 млн 300 мың теңге несие алған. Бұл қаражатқа Башқұртстаннан екі мыңнан астам құс сатып алған.

- Әр құстың өзіндік ерекшелігі бар. Ілімін білмесе, оны босқа өлтіріп алуың мүмкін. Бала кезімнен құс өсіремін. Одан қалды жүйрік тазы мен жылқы ұстауға да әуеспін. Сондықтан әр құстың күтімін, қажетін білемін. Барлығы өмірлік тәжірибемен келеді. Мәселен, тауыс құсы ерекше күтімді қажет етеді. Қазір бұл құстың менде екеуі бар. Қалғандары Ақтөбедегі “Нұрдәулет” сауда үйінің алдында тұр. Тауысты “байлардың құсы” деп атайды. Жеміс-жидек жегенді, еркелеткенді жақсы көреді. Жеміс жидек берсең, би де билейді, - дейді Таңат Қонысбаев.

Қазір кәсіпкер алты адамға жұмыс беріп отыр. Олар құстарды күтіп-бағуға, тазалық жұмыстарына көмектеседі. Құстарға да барлық жағдайын жасап қойған. Үйі өзен жағасына жақын орналасқан. Жылы сара-йын сайлап, ауласынан құстар суға түсетін орын да даярлапты. Үй құстарына ерекше күтім жасайтын ол,әсіресе,бөдененің денсаулыққа ерекше пайдалы екенін айтады.

- Бөдененің балапандарын күзге дейін өсіріп, кейін ет ретінде өткіземін. Оған ерекше күтім, жылы қора қажет. Оның жұмыртқасы да, еті де өте құнарлы. Туыстарымның бөдененің еті мен жұмыртқасын жегеннен кейін құлан таза айыққандығына бірнеше рет куә болдым. Бірі ішкі құрылысына ота жасағаннан кейін бөдененің сорпасын ішсе, енді бірінің құс жұмыртқасын ішіп, жарасы жазылды. Цесарка тауығы да –жеңсік ас, бөденеден еш кем емес. Оның құрамында май мен су, кәдімгі тауық етінен гөрі, әлдеқайда аз болады. Ал жұмыртқасы ұзақ сақталады, А витаминіне өте бай. Ал Ақтөбеде кездесе бермейтін черри велли тұқымды үйректің де еті өте дәмді. Сұраныс бар. Бірақ адамдардың барлығы бірдей құс өнімдерінің қаншалықты пайдалы екенін әлі түсіне бермейді,- дейді ауыл тұрғыны.

Кәсіпкер болашақта құс санын көбейтіп, фабрика да ашқысы келеді. Алайда әзірге қаражат жағы қолбайлау болып тұр. Ет өндіріп, жұмыртқа сатудан бөлек балапан шығарумен де айналысуды жоспарлап отыр.

-5-6 мың құс ұстайтын үлкен фабрика ашқым келеді. Келер жылы жұмыртқаны бастырып шығарып, оны сатумен айналысуды жоспарлап отырмын. Бірақ бұл үшін жылы қора қажет. Әзірге бұған қаржы жағы қолбайлау болып отыр, - дейді кәсіпкер.

Жансая Есмағанбетова, Ақтөбе облысы

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Май 2024 »
Пн	Вт	Ср	Чт	Пт	Сб	Вс
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31

Мы в соц сетях:

Хоббиін кәсіпке айналдырған азамат

Поделиться материалом

Другие материалы по теме

По читаемости

По материалам