Мәрзияның құдыреті

Өнер адамдарын басқа әлемнен келген қонақтардай қабылдайтынымыз бар. Күнделікті тұрмыста өз қылықтарымен басқаларға түсініксіз көрінеді. Олар жүрек түкпіріндегі құпиясын, арман-тілегін өз туындылары арқылы сыртқа шығарады. Сөйтіп, әр адамның жүрегіне жылылық, мейірбандылық дәнін себеді. Ізгілікке өнерімен, ісімен тәрбиелейді.

Өнерлі адам - өрге жүзеді

Өкінішке орай, ондай ізгілік жаршылары өнер адамдарымыз деп, түрлі марапат-мақтауларға ие болып, атақ-даңққа бөленіп жүргендерінің ішінде өте сирек кездеседі. Және сол сиректерді өзіміз де тап басып, тани алмай, бағалай алмай жатамыз. Соның кесірінен саф алтындар тот басып, бір бұрышта елеусіз қалып қояды.

Ия болмаса, танылып келе жатқан кезде, даңғазаға еріп, бойындағы асылды сақтай алмай, ақыр соңында бағасын түсіріп алатын таланттар да болады. Ал ақтөбелік суретші Мәрзия Жақсығарина - өз өнерінің құдыретімен еліне ерен еңбегі сіңген, солай екенмін деп міндетсінбейтін өнер иесі .
Өнердің тәрбиелік сипатына мән бергендер

Ең алғаш Мәрзия өз жолдасымен Ойыл ауданында 2000 жылдары өнер мұражайын ашамын дегенде, қатты таң қалғанмын. Себебі алыстағы ауылда мұражай ашу үшін, неше айлап, үйлерін көрмей, бар қаражаттарын соған жұмсаған адамдарды көзіммен көргенде, «халқын сүйетін де мұндай адамдар бар екен ғой» деп ерекше сезімге берілген едім.

Мәрзия Жақсығарина мен Әнуар Өтеген Тана сол мұражайға тек өз туындылары ғана емес, атақты суретшілердің елдің қолына түсе бермейтін, баға жетпес 300-дей шығармаларын сол мұражайға сыйға тартты. Егер бас пайдасын, баюды ойлаған адам болса, сол картиналарды сатып, қалтасын қомақты қаражатпен қомпайтар еді. Тұрмыс тауқыметін көрмей, шылқып өмір сүрер еді.

Олар:
—Ауылдың балалары да өнерді сүйіп, жан-жақты дамып жетілулері керек. Адамзаттың қордаланған сан ғасырлық мәдени тәжірибесінен, даналығынан сусындап өскен баладан ұлы тұлға шығады. Ауыл-алтын бесігіміз дегенді айтамыз, ауылға көңіл бөлмейміз. Бұл-біздің ауылымызға қосқан үлесіміз,салған инвестициямыз. Ауылдағы талантты, талапты балалрға сыйымыз,-деген еді.
Өнердің танымдық табиғаты мен тәрбиелік сипатына ерекше мән беретін осындай жандардың барлығына қалай сүйсінбейсің. Және Олар «біз сүйтіп едік»,-деп жар салмады.

Мәрзияның адами болмысы

Мәрзия Жақсығарина - Италия, Испания елдерінде көрмелерін өткізіп, экслибрис саласындағы майталмандарды тәнті етіп жүр. Халықаралық каталогтардан есімін кездестірген сайын, жүрегімді мақтаныш кернейді. Москвада Қызыл алаңда өзінің жеке көрмесін өткізген алғашқы қазақстандық экслибрисші. Алайда, сол еңбегін,сол атақтарын алдына салып, кеудесін соқпай, өз ісін тындырып, шәкірттеріне дәріс беріп келеді.

Мәрзияның адами болмысын ашатын және бір жәйтті көпшілік біле бермейді. Ақтөбе қаласындағы желдің өтінде жан-жағы қаңырап тұрған, жаңадан салынған үйдің айналасына өз ақшасына теректің 300-ден астам шыбығын сатып алып, жалғыз өзі отырғызып шықты және оны суарып, күтіп баптады. Мықшыңдап шұңқыр қазып, тал егіп жүрген әйелді көрсе де, сол үйдің тұрғындарының өздері, қол ұшын созып, көмектесуге шықпады. Үкіметтің жұмысын жасап жүрген адамдай көрді. Қайта менің тереземнің түбіне таман егіңізші деп, терезелерінен қарап тұрды. Жаз бойы суарып жүргенде қол ұштарын бермеді.

Соны айтқанымда:
- Ертең теректер өсіп, мына үйді желден, шаң-тозаңнан қорғайды. Мен қаламның жап-жасыл болып тұрғанын қалаймын. Мен шықпасам, кім шығады. Осы әрекетім арқылы, сөзбен емес, ісіммен адамдардың санасына әсер еткім келеді,-деп жауап берген еді. Қазір сол үй жасыл желекке оранып тұр.

Бақыт Жаншаева, Ақтобе

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Июнь 2025 »
Пн	Вт	Ср	Чт	Пт	Сб	Вс
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30

Мы в соц сетях:

Мәрзияның құдыреті

Поделиться материалом

Другие материалы по теме

По читаемости

По материалам