«Қазақстан блогерлер альянсы» құрылтай конференциясы қатысушыларының қарары

Блогерлік саланың ең басты құндылығы қоғамның тіршілік әрекетінің түрлі салалары туралы әлеуметтік маңызы бар посттарды жариялау арқылы өз пікірі мен ойын білдіру мүмкіндігі екені шүбәсіз. Авторлық контентті жасаушы блогерлер қоғамдық пікірге әсер ете бастады, ал блогерлік саладағы көңіл-күйге мемлекет жиі мұқият назар аударуда. Қазақстандық блогтық саланың болашағын, сондай-ақ ортақ идеялармен, қағидаттармен біріккен белсенді блогерлер мен әлеуметтік институттардың ынтымақтастығының қажеттілігін ескере отырып, біз, конференцияның қатысушылары, «Қазақстан блогерлер альянсын» құрамыз және қоғамдық бірлестікте бірігеміз.

Альянсты құру жөніндегі конференцияда Қазақстандағы блогерлік саланың дамуына қатысты сұрақтарды талқылап және салауатты қоғамды қалыптастырудағы блогерлердің рөлін жете түсіне отырып, Альянс қызметінде келесілерді маңызды деп санаймыз:

1. Өзара әрекеттесу сапасын жақсарту, блогерлер мен азаматтық қоғамның арасындағы нәтижелі байланысты нығайту негізінде халықтың әлеуметті белсенді бөлігінің қоғам өміріндегі рөлін арттыруға бағытталған жүйелі әрекеттерді жүзеге асыру;

2. Өз елінің егемендігін және аумақтық тұтастығын қолдай отырып, біртұтас және тұрақты Қазақстан үшін жаппай сөз сөйлеу;

3. Либералдық құндылықтарды қорғай отырып, әлеуметтік желілерде және блогерлік платформаларда бақылау мен цензураға қатысты заңнаманы күшейтуге қарсы сөз сөйлеу;

4. Жедел және сенімді мәліметті алу мақсатында блогерлердің мемлекеттік органдармен, бейкоммерциялық және жеке мекемелермен өзара әрекеттесу механизмін жасау;

5. Сыбайлас жемқорлық қылмыстарға және құқық бұзушылықтарға қатысты «нөлдік төзімділік» қағидаттарын қалыптастыруда белсенді ұстанымы бар азаматтардың рөлін жоғарылату. Қазақстандағы сыбайлас жемқорлыққа қарсы тұру механизмдерін дамытуға себепкер болу;

6. Мемлекеттік тілдегі авторлық контенттің белсенді дамуы мен алға басуы, сондай-ақ ең қызық басылымдарды өзге тілдерге аудару қажеттілігі, осыған байланысты қазақ тіліндегі блогтарды көпшілікке таратуға мүмкіндік жасау;

7. Контент сапасын жетілдіруге және халықаралық, отандық бірлестіктермен тәжірибе алмасуға бағытталған қызметті үйлестіру жөніндегі шараларды жүзеге асыру;

8. Мемлекеттік мекемелердің және жергілікті өзін-өзі басқару мекемелерінің басшыларына блогерлік саланың өкілдерімен тәжірибелік және әдістемелік өзара әрекеттесуді реттеуге кеңес беру;

9. Мемлекеттік мәдениетті бұқаралық және қоғамдық саяси шараларды өткізген кезде блогерлердің шығармашылық және мәдениетті әлеуетін жан- жақты іске қосу;

10. Мемлекеттің тарихи және мәдени мұрасын барынша тиімді дамыту және қолдау, сондай-ақ ішкі туризмін дамыту үшін осы мәліметті блогерлер арқылы халықаралық бірлестікке тарату;

11. Альянс жұмысын демократия, толеранттылық және плюрализм негізінде құру.

Жуырдағы кезеңге өзінің тәжірибелік қызметінде Альянс келесі шаралар мен жобаларды жүзеге асыруға күш салады:

1. «Сенім аккаунты» (бастапқы атауы) сыбайлас жемқорлыққа қарсы жобасы. Жобаның мақсаты: Білім және ғылым министрлігімен бірлесіп блогерлердің күш-жігерін елдегі мектептер мен жоғары білім беру орындарындағы сыбайлас жемқорлықпен (алым-салықпен) күресуге және алдын-алуға бағыттау. Әрбір өңірдегі әйгілі және салауатты қоғамға тілектес блогер білім беру орындарындағы асыра пайдаланушылық және алым-салық жинау туралы мәліметті қабылдау мүмкіндігін қамтамасыз етеді. Бұдан әрі бұл мәлімет ҚР Білім және ғылым министрлігіне, сондай-ақ құқық қорғау мекемелеріне бағытталатын болады. Альянс бұл жобаны белсенді дәріптейтін және келіп түскен сыбайлас жемқорлық белгілері жөніндегі шешімдерге бақылау жүргізетін болады.

2. Қазақстандықтар үшін әйгілі LiveJournal блогтық платформасына рұқсат ашу (бұғаттауды алып тастау) жөнінде билік органдарына жүгіну. Мемлекеттік билік органдарына, сондай-ақ әлемдік бірлестікке үндеулер, петициялар дайындалатын болады. LiveJournal бұл нобель лауреаттары, әйгілі саясаткерлер, әлемнің мәдениет және спорт қайраткерлері секілді планетаның әйгілі тұлғалары блог жүргізетін дүние жүзіне мәлім блогерлік платформа. Қазақстандықтарға әйгілі тұлғалармен қатынасу дүниетаным мен мәдениеттің дамуына маңызды және қажет екендігі шүбәсіз.

3. Мектепге дейінгі білім беру мекемелерінде (балабақшаларда, шағын орталықтарда) оқытуды жаппай мемлекеттік тілге аудару бойынша бастамаларды қолдау. Альянстың атынан осы мәселе бойынша заңнама актілерін және НҚА-ға өзгерістер енгізуге бастама білдіру жөнінде үндеулер, сондай-ақ ұсыныстар дайындалатын болады.

4. Астана күніне орай мемлекет басшылығынан спикерлерді, сондай-ақ әлемге әйгілі тұлғаларды шақырып, Астана маңында республикалық мәдени-білім беру жастар форумын ұйымдастыру.

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Сентябрь 2026 »
Пн	Вт	Ср	Чт	Пт	Сб	Вс
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30

Мы в соц сетях:

«&#1178;аза&#1179;стан блогерлер альянсы» &#1179;&#1201;рылтай конференциясы &#1179;атысушыларыны&#1187; &#1179;арары

Поделиться материалом

Другие материалы по теме

По читаемости

По материалам

«Қазақстан блогерлер альянсы» құрылтай конференциясы қатысушыларының қарары