«Ұлы Дала Бояулары» атты қазақстандық ұялы фотоальбом-қосымшасы жарыққа шықты

«Ұлы Дала Бояулары» (Colors of Great Steppe) атты қазақстандық ұялы фотоальбом-қосымшасы жарыққа шықты. Енді планшетті компьютерлерге қазақ даласының көркем суреттерін жүктеп, қолдануға болады. Бұл туралы 15 қазан күні Алматыда өткен баспасөз мәжілісінде мәлім болды.

«Ұлы Дала Бояулары» ұялы телефондарға арналған фотоальбомы iOS және Android операциялық жүйелеріндегі планшеттік компьютерлерге арналған. Альбом «Алдоңғар» мәдениетті дамыту қоғамдық қорының бастамасымен және «Scribe Wizard» сандық баспасының көмегімен жарыққа шықты. Ұлы Дала Бояулары» ұялы қосымшасы ‒ «Алдоңғар» қорының ірі баспа жобасы «Ұлы Дала Бояуларының» жалғасы іспетті. Қазір бұл альбомның қысқаша нұсқасы тегін таратылып, ал, толық нұсқасы AppStore және Google Play дүкендерінде сатылымға шығарылды. «Ұлы Дала Бояулары» ұялы қосымшасында Қазақстанның аймақтарының табиғатын, тарихын және этнографиясын таныстыратын 1000-нан аса фотосуреті бар

Мұндай фотоальбомды шығарудағы мақсат – отандық және шетелдік қауымды заманауи фотосурет арқылы Қазақстан табиғатының бірегей байлығымен, тарихының тереңдігімен, дара ерекшелігімен және әдени сан-алуандығымен таныстыру. Жоба туралы оның авторы және басшысы, бизнесмен және кинопродюсер Борис Чердабаев: «Қазақстанның әр өңірі – табиғат пен мәдениеттің бірегей маржаны, бұл біздің келешек ұрпақ үшін сақтап жеткізіп қана қоймай, сонымен бірге бүкіл әлемге мақтанышпен көрсетуіміз тиісті еліміздің нағыз байлығы», - дейді

Бүгінгі таңда фотоальбомның төрт түрлі нұсқасы: «Шежіре сағасы» (Атырау облысы), «Әлем айнасы»( Жамбыл облысы), «Жетісу – қайта табылған жаннәт» (Алматы облысы) және «Сары Арқа – Еуразия жүрегі» (Қарағанды облысы) атты альбомдар қолданысқа жіберілді. Ал, Оңтүстік және Шығыс Қазақстан облыстары туралы альбомдар баспаға дайындалып жатса, Павлодар және Қызылорда өлкесінің түсірілімдер жақында аяқталды. Қалған облыстар бойынша басылымдарды 2016 жылға дейін шығару жоспарланып отыр. Ал, жоба соңында Қазақстанның бүкіл аймақтарының ең үздік фотосуреттері енетін альбом шығарылады.

«Ұлы Дала Бояулары» жобасына тек эксклюзивті фотоматериал енгізілген. Әрбір альбоммен жасап шығару үшін орташа есеппен бір жыл жұмсалады. Осы уақыт ішінде қазақстандық фотографтар Николай Постников пен Олег Белялов әртүрлі климат жағдайларында табиғатты, жануарлар мен өсімдік әлемдерін суретке түсіріп алу үшін маусымдық фотоэкспедицияларды жүргізді. Олар ең заманауи фотосурет түсіру жабдығын қолданды. Авиация мүмкіндіктерін пайдалану арқылы Қазақстанның қиыр аймақтарына жетіп, құстың ұшар биігінен еліміздің қайталанбас сұлу ландшафтыларының аса бағалы көріністерін кадрға түсіреді.

Фотоальбомның тағы бір ерекшелігі ‒ кейбір фотосуреттерге белгілі қазақстандық ақын Бақыт Қайырбековтың арнайы жазған көркем лирикалық туындылары енгізілген.

Баспасөз мәжілісіне қатысқан журналистер мен блогерлер iOS немесе Android операциялық жүйелерінде жұмыс жасайтын өздерінің планшеттеріне «Ұлы дала Бояулары» қосымшасының толық нұсқасын тегін жүктеуге мүмкіндік беретін арнайы сыйлық сертификаттарын алды.

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Июнь 2025 »
Пн	Вт	Ср	Чт	Пт	Сб	Вс
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30

Мы в соц сетях:

«&#1200;лы Дала Бояулары» атты &#1179;аза&#1179;станды&#1179; &#1201;ялы фотоальбом-&#1179;осымшасы жары&#1179;&#1179;а шы&#1179;ты

Поделиться материалом

Другие материалы по теме

По читаемости

По материалам

«Ұлы Дала Бояулары» атты қазақстандық ұялы фотоальбом-қосымшасы жарыққа шықты