Синоптиктер 12 сәуірде ауа райы қандай болатынын айтты

Синоптиктер 12 сәуірге арналған ауа райы болжамын ұсынды. Қазақстанда найзағай ойнап, қатты жел соғады, бұрқасын, тұман, шаңды дауыл болады.

Қазақстанның басым бөлігінде атмосфералық фронтальды бөліктердің өту әсерінен жаңбыр жауады. Оңтүстік жартысында найзағай ойнап, қатты жаңбыр жауады. Тек республиканың оңтүстік-батысында, солтүстігінде, шығысында жоғары қысымды алқаптың әсерінен жауын-шашынсыз ауа райы сақталады. Республика бойынша жел күшейеді. Оңтүстікте бұрқасын, солтүстік-батыста тұман, оңтүстік-батыста шаңды дауыл болады.
«Қазгидромет» РМК

Алматы облысында күндіз шығыста, таулы және тау етегіндегі аудандарда найзағай ойнайды. Оңтүстікте, шығыста желдің күші секундына 18-23 метрге жетеді.

Түркістан облысының батысында, таулы және тау бөктеріндегі аймақтарда күн күркіреп, көктайғақ болады. Найзағай кезінде жел екпіні секундына 15-20 метр болады.

Жамбыл облысының оңтүстік-батысында, солтүстік-шығысында, таулы аймақтарда – найзағай ойнап, жел күші секундына 15-20 метр болады.

Ақмола облысында оңтүстік-батыста найзағай ойнап, желдің жылдамдығы секундына 15-20 метрге жетіп, солтүстікте, шығыста жел екпіні 23-28 метр болады.

Қарағанды облысында батыста, оңтүстікте найзағай ойнайды. Түнде жел екпіні секундына 15-20 метр күшейеді. Күндіз өңірдің басым бөлігінде екпіні 15-20, 25 метр болатын жел соғады.

Орталықта, Қызылорда облысының оңтүстігінде түнде және таңертең найзағай ойнайды. Көктайғақ болып, орталықта жел күші 15-20 метр күшейеді.

Солтүстік Қазақстан облысында түнде оңтүстік-батыста, күндіз басым бөлігінде жел болады деп болжанып отыр.

Күндіз Атырау облысының батысында, Маңғыстау облысының батысында, шығысында, оңтүстігінде найзағай ойнап, желдің жылдамдығы секундына 15-20 метрге дейін жетеді.

Оңтүстікте, Ақтөбе облысының орталығында тұман болады.

Қостанай облысының оңтүстігінде найзағай, оңтүстікте, шығыста жел (күші секундына 15-20 метр).

Күндіз Батыс Қазақстан облысының батысында, оңтүстігінде найзағай ойнайды.

Шығыс Қазақстан облысының оңтүстік-батысында, оңтүстігінде, күндіз Павлодар облысының орталығында жел болады. Екпіні 15-20 м/с күшейеді.

Бұған дейін синоптиктер Қазақстанда 12-14 сәуірге арналған ауа райы болжамын ұсынған еді.

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Май 2026 »
Пн	Вт	Ср	Чт	Пт	Сб	Вс
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30	31

Мы в соц сетях:

Синоптиктер 12 сәуірде ауа райы қандай болатынын айтты

Поделиться материалом

Другие материалы по теме

По читаемости

По материалам