«Kaspersky» кибербуллингке қарсы тұру ережелерін еске салады

Қазақстан сенатында балаларды буллинг пен кибербуллингтен қорғау бойынша қосымша шаралар қабылдау ұсынылды. Сенатор Рысқали Әбдікеровтің айтуынша, Әкімшілік құқық бұзушылық туралы кодекске өзгерістер енгізіп, білім беру ұйымының басшысына буллинг және кибербуллинг жағдайлары туралы хабарламаның болмағаны үшін жауапкершілік енгізу қажет.

Ұлттық қоғамдық денсаулық сақтау орталығының мәліметінше, 11 және 13 жастағы әрбір бесінші жасөспірім, сондай-ақ 15 жастағы әрбір оныншы жасөспірім мектептегі буллингтің құрбаны болды. Жасөспірімдердің 12% - ы кем дегенде бір рет кибербуллингке ұшырады.

«Kaspersky» сарапшылары интернеттегі агрессия мен балаларды қорлау мәселесіне қатысты алаңдаушылықпен бөліседі. Кибербуллинг цифрлық кеңістікте «өмір сүретініне» қарамастан, физикалық әлемде де айтарлықтай салдарларға ие болып келеді. Компанияның* сауалнамасына сәйкес, балаларға арналған кибербуллингтің ең көп таралған салдарының ішінде ата-аналар мыналарды атап кетті: қатты стресс (респонденттердің 55%), өзін-өзі бағалаудың төмендеуі (45%), үлгерімнің нашарлауы (40%), депрессия (40%), әлеуметтік белсенділіктің төмендеуі (35%) және ұйқы проблемалары (25%).

Көбінесе 13-15 жас аралығындағы балалар кибербуллингке тап болады және бұл көбінесе әлеуметтік желілерде болады. Негізінен, мұндай жағдайларда балалар қорлайтын хабарламалар алады, көбісі өздері туралы жағымсыз хабарламаларды көрді, ал кейбіреулері фотосуреттерінің астындағы жағымсыз пікірлерді оқыды. Көбінесе қудалауды бейтаныс адамдар ұйымдастырады, бірақ кейбір жағдайларда балалар жеке өздері білетін адамдар тарапынан агрессия мен қудалауға тап болады.

«Кибербуллингке қарсы тұру үшін балалар мен жасөспірімдер арасында цифрлық сауаттылықты арттыру маңызды: жағымсыз хабарламаларға қалай жауап беру керектігін, өзіңізді буллерлерден қорғау үшін қандай техникалық шаралар қолдану керектігін, өз аккаунттарыңыздың құпиялылығын қалай орнату керектігін айту. Алайда, отбасында сенімді қарым — қатынас орнату да маңызды, өйткені егер балаға қажетті қолдау уақтылы көрсетілсе, кибербуллингтен болатын жағымсыз салдардың басым бөлігін еңсеруге болады», - деп атап өтті «Kaspersky»-дің Орталық Азиядағы коммерциялық директоры Валерий Зубанов.

Егер бала немесе жасөспірім кибербуллингке тап болса, «Kaspersky» келесі қауіпсіздік ережелерін сақтауды ұсынады:

1. Егер сіз кибербуллингке тап болсаңыз, оған жауап бермеуге тырысу керек, өйткені немқұрайлылық — қорлауды жоққа шығарудың ең тиімді әдісі.
2. Интернеттегі қызметтердің арнайы мүмкіндіктерін пайдаланыңыз: жәбірлеушілерді әлеуметтік желідегі немесе чаттағы қара тізімге қосыңыз.
3. Егер сіз жаппай қудалауға тап болсаңыз (мысалы, қудалау үшін жеке топтар құра отырып), ол орын алған ресурс әкімшілеріне хабарлаңыз.
4. Егер қудалау достардан шықса және оны елемеу қиын болса, жақындарыңыз бен достарыңыздан қолдау табуға тырысыңыз, басқа әрекетке ауысуға тырысыңыз.
5. Үндемеңіз, қажет болған жағдайда мамандардан көмек сұраңыз. Егер өмірге немесе денсаулыққа қауіп төнсе, әлеуметтік желі әкімшілігіне және құқық қорғау органдарына хабарласыңыз.

* «Kaspersky»-дің «Цифрлық әлемдегі ересектер мен балалар: онлайн офлайнмен кездескенде» сауалнамасы

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Июнь 2025 »
Пн	Вт	Ср	Чт	Пт	Сб	Вс
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30

Мы в соц сетях:

«Kaspersky» кибербуллингке қарсы тұру ережелерін еске салады

Поделиться материалом

Другие материалы по теме

По читаемости

По материалам