Байбек қызметтен кету туралы өтініш жазды

Бауыржан Байбек Nur Otan партиясы төрағасының орынбасары қызметінен кеткенін мәлімдеді.

"Елбасы айтқандай, "біздің еліміз жаһандық трансформация, күрделі және жауапты шешімдер дәуіріне қадам басты. Олардың табысты болуы саяси ерік-жігерге, айқын мақсаттарға және ең бастысы, халықтың қолдауына байланысты болады. Барлық қажетті ресурстарға ие Nur Otan партиясы Мемлекет басшысының бағытын іске асыруда сенімді көмекші болуға тиіс".

Съезде ел Президенті, Nur Otan партиясының жаңадан сайланған төрағасы Қасым-Жомарт Кемелұлы Тоқаев партияны реформалау, жұмыстың әдістері мен мазмұнын жаңарту, партиялық бақылауды күшейту, қоғамдық қабылдаулардың тиімділігін арттыру, кадрлық әлеуетті нығайту, сондай-ақ жаңа формациядағы адамдарды тарту жөнінде нақты міндеттер қойды", - деді Байбек.

Оның айтуынша, ел Президенті белгілеген жүйелі реформаларға кең ауқымды қоғамдық-саяси қолдауды қамтамасыз ету үшін бүгінгі күні Nur Otan-да қажеттінің барлығы, яғни адамдар, тәжірибе, ресурстар және инфрақұрылым бар.

"Nur Otan алдына жаңа көзқарастар мен тәсілдерді талап ететін мүлде жаңа міндеттер қойылды. Сондықтан мен партия Төрағасы Қасым-Жомарт Кемелұлы Тоқаевқа атқарып отырған қызметімнен босату туралы тиісті өтініш бердім. Бүгін менің өтінішім қанағаттандырылды", - деді ол.

Байбек мемлекеттік және партиялық қызметте 20 жылдан астам еңбек еткенін: екі рет, жалпы алғанда 6 жылға жуық – Nur Otan төрағасының бірінші орынбасары, 3 жылға жуық – Президент Әкімшілігі басшысының орынбасары лауазымдарында, 4 жыл Алматы қаласының әкімі болып жұмыс істегенін айтты.

"Қандай қызмет атқарсам да, қай салаға жауапты болсам да, мен әрқашан Отанымыздың Тәуелсіздігін нығайтуға, қоғамда ішкі саяси тұрақтылық пен келісімді қамтамасыз етуге, ел азаматтарының әл-ауқатын арттыруға өзімнің үлесімді қосуға тырыстым. Өз жұмысымда ашықтық және жауапкершілік қағидаларын басшылыққа алдым. Ар-намыс, сөзге беріктік және іске адалдық деген ұғымдар мен үшін әрқашан бірінші орында болды", - деп жазды Байбек.

Сондай-ақ, ол Елбасы Нұрсұлтан Назарбаевқа және Қасым-Жомарт Тоқаевқа алғыс айтты.

"Барлық жұмыстарды атқаруда маған зор сенім білдіргені үшін Тұңғыш Президент – Елбасы Нұрсұлтан Әбішұлы Назарбаевқа үлкен алғыс білдіргім келеді. Мемлекет басшысы, Nur Otan партиясының төрағасы Қасым-Жомарт Кемелұлы Тоқаевқа осы жылдары жан-жақты қолдау көрсеткені үшін шынайы алғыс айтамын.

Партия аппаратының қызметкерлеріне, сондай-ақ орталықтағы және жергілікті жерлердегі барлық партия мүшелеріне ерекше алғыс білдіремін. Олар – жауапкершілікті өз мойнына алудан қорықпайтын іскер жандар, Қазақстанның болашағы үшін күн сайын қажырлы еңбек ететін нағыз патриоттар. Сіздермен бірге жұмыс істеу мен үшін үлкен мәртебе болды!" - деді ол.

Байбек сөзін қорытындылай келе, ел үшін тағдыршешті кезеңде әрбір азамат Мемлекет басшысының айналасына топтасып, оны қолдауы тиіс екенін айтты.

"Сөз соңында айтарым, еліміз үшін осы тағдыршешті кезеңде әрбір азамат өзінің көзқарасы мен сеніміне қарамастан Мемлекет басшысының айналасына топтасып, Тәуелсіз Қазақстанның гүлденуі мен біздің балаларымыздың лайықты болашағы үшін маңызды әлеуметтік-экономикалық және саяси реформалар бағытын қолдауы тиіс деп санаймын! Nur Otan бұл жұмысқа өз үлесін қоса алатынына кәміл сенемін. Қиындықты еңсеріп, жеңіске бірге жетеміз!", - деп қорытындылады ол.

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Апрель 2026 »
Пн	Вт	Ср	Чт	Пт	Сб	Вс
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30

Мы в соц сетях:

Байбек қызметтен кету туралы өтініш жазды

Поделиться материалом

Другие материалы по теме

По читаемости

По материалам