"Те&#1187;ізшевройл" жарты жылда 13 миллион тонна м&#1201;най &#1257;ндірді

"Теңізшевройл" жарты жылда 13 миллион тонна мұнай өндірді

13 ноябрь 2014, 4:59

2014 жылдың бірінші жартысында мұнай өндіру көлемі 13 миллион тоннаны (104 миллион баррельді) құрады. Бұл туралы \«Теңізшевройл» ЖШС-нің бас директоры Тим Миллер бірқатар БАҚ өкілдерімен өткізген баспасөз мәслихаты барысында айтты.

Сонымен қатар, ТШО мұнайды бірнеше тасымалдау бағыты бойынша экспортқа шығарады. Атап айтқанда, шикі мұнайды Каспий құбыр концорциумының құбыры арқылы Новороссийскіге және темір жолмен Одесса, Тамань және Ақтауға, әрі қарай Батуми мен Кулевиге экспортқа жібереді. ТШО сұйытылған газ сату көлемін 627 мың тоннаға, ал құрғақ газ сату мөлшерін 3,3 миллиард текше метрге жеткізді.

Бұл компанияның біздің еліміздегі жұмыс жасай бастағандағы ең үлкен жұмысының бірі – күкірт сату көлемінің артуы. Бір кездері күкірттің тау боп үйіліп қалғандығы, оның еліміздің экологиясына қауіп-қатері жайлы талай рет алқалы жиындарда мәселе көтерілген. Міне, осы мәселе соңғы жылдары оң шешімін тауып келеді. Компания кейінгі жылдары 1,8 миллион тонна күкірт сатты. Бұл – аталмыш кезеңде өндірілген 1,1 миллион тонна күкірттің 166 пайызы. Бұл дегеніңіз, қордаланған күкірт қоры анағұрлым азайды дегенді білдіреді. Нақты айтар болсақ, биылғы жылдың 30 маусымындағы мәліметке сәйкес, күкірт сату бағытындағы табысты жұмыс нәтижесінде Теңіздегі осы күнге дейін сақталып келген күкірт көлемі 450 мың тоннадан төмен деңгейге азайды. «Теңізшевройл» жоғары сапалы күкірттің төрт түрін, ең алдымен, Жерорта теңіз бассейні мен Орта Азия, Ресей, Украина мен Қытайға өткізуде. Өз еліміздің компаниялары да отандық сапалы өнімнен сырт қалып жатқан жоқ.

2000 жылдан бері «Теңізшевройл» қоршаған ортаға әсерді азайтуға бағытталған жобаларға 2,8 миллиард АҚШ доллары көлемінде қаржы бөлді. Қоршаған ортаны қорғауға жұмсалған бұл инвестициялар алауларда жағылатын газдың жалпы көлемін 2000 жылдан 93 пайызға азайтуға мүмкіндік берді.
2000 жылдан биылғы жылдың бірінші жартысына дейін қоршаған ортаны қорғау және зауыт сенімділігін арттыру шараларына жұмсалған инвестициялар КТЛ-дағы техникалық ақаулар санын 55 пайызға, сондай-ақ техникалық ақаулар кезінде алауларда жағылатын шикі және қышқыл газ мөлшерін 95 пайызға азайтуға ықпалын тигізді.

Компания биылғы жылдың бірінші жартысында қазақстандық тауарлар мен қызметтерді пайдалануға 1 миллиард доллардан астам қаржы жұмсады. Ал елімізде жұмыс бастаған 1993 жылдан бері «Теңізшевройл» қазақстандық мекемелердің 16,5 миллиард долларды құрайтын тауарлары мен қызметтерін кәдеге жаратқан. Демек, компания өз қызметін жүргізу арқылы еліміздің өзге де саласының дамуына айрықша үлес қосып келеді.
ТШО-да жұмыс жасайтын қазақстандық қызметкерлердің үлесі 1993 жылмен салыстырғанда 50 пайыздан 86 пайызға дейін өсті. Компаниядағы жергілікті ұлттық басшылардың, орта буын жетекшілерінің үлесі жалпы басшылық құрамның 75 пайызын құрайды. Жас мамандарды оқыту, үйрету, олардың біліктілігін арттыру жұмыстары да жолға қойылған. Компания өкілдері бұл үрдіс алдағы уақытта да жалғасын таба беретінін айтты.

Әлеуметтік салаға да қолдау көрсетілуде. Компания шаңырақ көтерген 1993 жылдан бері ТШО қызметкерлері мен жергілікті тұрғындардың игілігі үшін облыстың әртүрлі әлеуметтік жобаларына 920 миллион доллардан астам қаржы жұмсалды. Биылғы жылы «Игілік» ерікті әлеуметтік инфрақұрылым бағдарламасы бюджеті 25 миллион доллар құрайды. Аталмыш қаржының негізгі үлесі Атырау қаласы мен Жылыой ауданында бой көтерер балабақшалар мен мектептер құрылысына жұмсалады. Үстіміздегі жылы Атырау облысының денсаулық сақтау, білім және оқыту салаларының сапасын жақсартуға көмектесу мақсатында компанияның әлеуметтік инвестициялар бағдарламасына 1 миллион доллардан астам қаржы бөлінді.

Кейбір шетелдік компанияларда жергілікті қызметкерлер мен шет ел кадрларына төленетін жалақыға қатысты түсінбеушілік бары байқалады. «Бұл мәселе сіздерде қалай реттелген?» деген сқраққа «Бұл мәселе бойынша бізде түсіністік орын алған. Қызметкерді жұмысқа қабылдарда бұл жөнінде ашық та айқын айтылады. Сондықтан да ешқандай реніш, наразылық болған емес» деді компания басшысы. «Мемлекеттік тілдің маңызын жақсы түсінемін. Сыртқа шығарылатын құжаттардың мемлекеттік тілде де жазылуына мән беріледі. Өзім де қазақ тілін үйреніп жүрмін», – деді жауап беруші тілге қатысты сауал қойған журналистке.

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Март 2026 »
Пн	Вт	Ср	Чт	Пт	Сб	Вс
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30	31

Мы в соц сетях:

"Те&#1187;ізшевройл" жарты жылда 13 миллион тонна м&#1201;най &#1257;ндірді

Поделиться материалом

Другие материалы по теме

По читаемости

По материалам

"Теңізшевройл" жарты жылда 13 миллион тонна мұнай өндірді