Социум
Түркияның танымал әншісі құмар ойындарды жарнамалағаны үшін сотталып кетті
Танымал түрік әншісі Сердар Ортадж заңсыз құмар ойындарды жарнамалау және қолдау туралы заңды бұзғаны үшін 10 айға бас бостандығынан айырылды және оған 400 лира көлемінде айыппұл салынды, деп хабарлайды Azattyq Rýhy.
Haber Global хабарлағандай, сот үкімді орындауды кейінге қалдыру туралы шешім қабылдады. Бұл шешім Ыстамбұл прокуратурасы жүргізіп жатқан құмар ойындарды реттейтін заңнаманы бұзу ісін тергеу аясында шығарылды.
Сердар Ортадж бәс қабылдайтын контораларды насихаттағаны үшін айыпталды, бұл Түркияда ауыр қылмыс болып саналады. Түрмеге қамау жазасынан бөлек, әншіге ақшалай айыппұл да салынды. Алайда сот шешімді бірден орындамау туралы шешім қабылдады, бұл әншінің қазіргі уақытта түрмеден құтылуына мүмкіндік беріп отыр.
Айта кетейік, Ортадждан бөлек, осы іске байланысты айыпталған әйгілі түрік шоумені Мехмет Али Эрбил алдын ала тергеу барысында үйқамақта болған.
