Карагандинская область
Оның есімі — Хали Хайрат: Қарағанды облысындағы дала өртінен бір өрт сөндіруші қаза тапты
Күні кеше Қарағанды облысының аумағында болған дала өртінен 33 жастағы өрт сөндіруші мерт болды, деп хабарлайды Azattyq Rýhy.
Ол Қарағанды облысы Қарқаралы ауданындағы өртті сөндірген кезде қаза тапқан. Ақпаратты ресми орган растады.
«6 қазан күні Қарағанды облысы Қарқаралы ауданындағы дала өртін сөндіру барысында өз қызметтік міндетін атқару кезінде 24-өрт сөндіру бөлімінің аға өрт сөндірушісі 1991 жылы туған Хали Хайрат қаза тапты. Сержант азаматтық қорғау органдарында 2014 жылдан бастап жұмыс істеген», — деп растады оқиғаны төтенше жағдайлар министірлігі.
Айта кетейік, өрт Қарағанды облысы Қарқаралы ауданы Қоянды ауылының маңында болған. Бұл өрт Павлодар облысының аумағына өткен.
