Тұмаудан айығу үшін мәзірге қандай өнімдерді қосу керек

Диетолог Эми Гудсон иммунитетті нығайтуға арналған ең тиімді өнімдерді атады.

«Флавоноидтар жидектерде, қырыққабатта, тіпті қара шоколадта, антоцианиндер жидектерде, жүзімде, анар мен құрмада, ал каротиноидтар асқабақ, манго және өрік сияқты қызғылт сары, сары және қызыл өнімдерде кездеседі», — деп тізіп берді диетолог.

Маман диетаға С дәруменін қосуға кеңес берді. Оның айтуынша, ол тек апельсин мен апельсин шырынында ғана емес, қызанақ, қызанақ шырыны, қызыл болгар бұрышы, құлпынай, шпинат сияқты жасыл көкөністерде де кездеседі, деп жазады Lenta.ru.

Гудсонның айтуынша, мырыш иммундық жүйені нығайтуға ықпал етеді. Майлы емес сиыр еті минералдың көзі бола алады. Вегандар мен вегетариандар цинкті бұршақ дақылдарынан, жаңғақтардан, тұқымдардан, сүт өнімдерінен, тіпті қара шоколадтан ала алады. Диетологтың тізімінде грек йогурты да бар.

«Оның құрамында ас қорыту жолдарын қорғауға көмектесетін жақсы бактериялар бар», — деп түсіндірді ол.
Қорытындылай келе, дәрігер суық мезгілде көк шайды жиі ішуге кеңес берді. Оның құрамында полифенолдар – ағзаға аурумен күресуге көмектесетін антиоксиданттар бар.
Денсаулық