Үкімет Астанадағы ақылы автотұрақ туралы келісімнің заңдылығын тексереді
Оператормен келісімшартты монополияға қарсы реттеу тұрғысынан талдау тапсырылды
Астанадағы автотұрақ мәселесі Экономиканы демонополизациялау жөніндегі комиссия назарына ілікті, деп хабарлайды Azattyq Ruhy Үкімет басшысының бапсасөз қызметіне сілтеме жасап.
ҚР Премьер-министрі Әлихан Смайловтың төрағалығымен Экономиканы демонополизациялау жөніндегі комиссияның кезекті отырысы өтті, оған орталық мемлекеттік органдар, Бас прокуратура, ҚР Сыбайлас жемқорлыққа қарсы іс-қимыл агенттігі, ҚР Бәсекелестікті қорғау және дамыту агенттігі, ҚР Қаржылық мониторинг агенттігі және т. б. ведомство басшылары қатысты.
Қатысушыларға «Астана қаласының ақылы автотұрақ кеңістігін құру, пайдалану және басқару» жобасы туралы ақпарат берілді. Жобаны жүзеге асыру үшін елорда әкімдігі 2018 жылы «Астана автотұрақ кеңістігі» ЖШС компаниясымен МЖӘ келісімшартына отырған.
» alt=»» aria-hidden=»true» />
«Талқылау қорытындысы бойынша уәкілетті мемлекеттік органдарға аталған келісімшартты республика заңнамасының нормаларын сақтау, оның ішінде монополияға қарсы реттеу тұрғысынан талдау тапсырылды», — делінген хабарламада.
Сонымен қатар отырыста энергетика саласындағы жекелеген нысандарды мемлекет меншігіне қайтару және қатты пайдалы қазбаларды барлауға бірқатар лицензиялар берудің заңдылығы мәселелері қаралды.
» alt=»» aria-hidden=»true» />
