Қазақстанда халықтың банктерге жалпы қарызы 20 трлн теңгеден асып кетті

БАНКТЕРДІҢ ЭКОНОМИКА БЕРГЕН НЕСИЕСІ

Ресми ақпаратқа сүйенсек, екінші деңгейдегі банктердің экономикаға берген кредиттері 2024 жылғы қарашада 3,1%-ға 32,9 трлн теңгеге дейін ұлғайған. 2024 жылдың басынан бері 17,9%-ға өскен. Экономикаға берілген кредиттер құрылымында 2024 жылғы қарашаның қорытындысы бойынша ұлттық валютадағы кредиттер 3,0%-ға 30,0 трлн теңгеге дейін ұлғайды, валюталық кредиттер 4,9%-ға 2,9 трлн теңгеге дейін өскен.

БИЗНЕСКЕ ҚАРЫЗ

Бизнес субъектілеріне берілетін кредиттер 2024 жылғы қарашада негізінен негізгі қорларды сатып алуға берілген қарыздардың 5,0%-ға 4,7 трлн теңгеге дейін және инвестициялардың 2,4%-ға 3,3 трлн теңгеге дейін өсуі есебінен 4,0%-ға 12,6 трлн теңгеге дейін ұлғайған.

Ірі бизнеске берілген кредиттер 2024 жылғы қарашада 3,4%-ға 4,2 трлн теңгеге дейін артқан (2024 жылдың басынан бері 6,2%-ға өсу). Шағын және орта бизнес субъектілеріне берілген қарыздар негізінен айналым қаражатын толықтыруға автомобильдер өндіру секторындағы шағын кәсіпорындарға кредит беру есебінен бір айда 4,6%-ға 6,2 трлн теңгеге дейін ұлғайған. Дара кәсіпкерлерге берілетін кредиттер 2024 жылғы қарашада 3,4%-ға 2,2 трлн теңгеге дейін өсті (2024 жылдың басынан бері 42,4%-ға өсу).

2024 жылғы қарашада бизнес субъектілеріне 1,9 трлн теңге сомаға жаңа қарыздар берілді. Бұл 2023 жылғы қарашамен салыстырғанда 28,8%-ға артық. Бұл ретте 2024 жылдың 11 айында бұл көрсеткіш 16,1 трлн теңгені құрады, бұл 2023 жылдың ұқсас кезеңімен салыстырғанда 19,3%-ға артық.

ХАЛЫҚҚА БЕРІЛГЕН НЕСИЕ

Халыққа берілген кредиттер 2024 жылғы қарашада 2,6%-ға ұлғайып, 20,3 трлн теңгені құрады. Бұл көрсеткіш 2024 жылдың басынан бері 21,8%-ға өскен. Банктердің бөлшек портфелінің құрылымында тұтынушылық қарыздар 3,0%-ға 13,5 трлн теңгеге дейін ұлғайған.

ИПОТЕКА

2024 жылы қарашаның қорытындысы бойынша банктердің ипотекалық портфелі 1,8%-ға 6,0 трлн теңгеге дейін өсті. Бұл ретте 2024 жылдың 11 айында жаңа ипотекалық қарыздар беру шамамен 1,8 трлн теңгені құрады, бұл 2023 жылдың ұқсас кезеңімен салыстырғанда 23,3%-ға артық.

Жаңа ипотекалық кредиттерді беру құрылымында нарықтық кредит берудің оң серпіні жалғасып жатыр. Жыл басынан бастап нарықтық талаптармен 617,8 млрд теңгеге ипотекалық кредиттер берілді, бұл 2023 жылдың ұқсас кезеңімен салыстырғанда 36,3%-ға артық.

БАНКТЕР

2024 жылғы 1 желтоқсандағы жағдай бойынша Қазақстанда 21 екінші деңгейдегі банк бар, оның ішінде 12 банк шетелдің қатысуымен қаржы институты болса, оның ішінде 9-ы еншілес банк.