Қазақстан ерлер әйелдерге қарағанда 39%-ға көп жалақы алады
Қазақстан экономикасында ерлер әйелдерге қарағанда орта есеппен 39%-ға көп жалақы алады. Ал жоғары білімі барлар жалақыны орта есеппен 72,5%-ға арттырады. Бұл туралы Stan.kz ақпарат агенттігі хабарлайды.
Ұлттық статистика бюросы Қазақстандағы жұмысшылардың 2023 жылғы жалақысының құрылымы мен бөлінуі туралы қызықты статистика жариялады. Бұл жерде білімге байланысты жалақы мен гендерлік аспекті көрсетілген.
Ресми деректерге сәйкес, экономика бойынша ағымдағы жылы қызметкерлердің орташа айлық атаулы жалақысы білім деңгейі бойынша келесідей бөлінген:
- орта білім – 1 586 802 жұмысшы және 230 841 теңге;
- жоғары білім – 1 789 484 қызметкер және 398 214 теңге;
- жоғары оқу орнынан кейінгі білім – 61 001 қызметкер және 505 170 теңге.
Демек жоғары білімнің болуы орта есеппен орташа айлық жалақыны 72,5%-ға, ал жоғары оқу орнынан кейінгі білім оны тағы 27%-ға арттырады.
Алайда экономикадағы жұмысшылардың 46,1 пайызының тек орта білімі бар.
Гендерлік аспектіде де жағдай екіұшты:
- орта білім — ерлердің орташа айлық атаулы жалақысы әйелдердікінен 45,7%-ға жоғары;
- жоғары білім — ерлердің орташа айлық атаулы жалақысы әйелдердікінен 33,1%-ға жоғары;
- жоғары оқу орнынан кейінгі білім — ерлердің орташа айлық атаулы жалақысы әйелдердікінен 37,5%-ға жоғары.
Қазақстан экономикасында орта есеппен білім деңгейі бойынша ерлердің орташа айлық атаулы жалақысы әйелдерге қарағанда 39,0%-ға жоғары.
Жыныс бойынша жалақының бұл айырмашылығы декреттік демалысқа қатысты әйелдердің жұмыс істеген сағаттарындағы алшақтыққа байланысты болуы мүмкін. Өйткені жалақы мөлшерлемелері бойынша мұндай айырмашылықтың болуы екіталай.
