Нур-Султан
Нұр-Сұлтанда ұйымдасқан қылмыстық топ қолға түсті
Қазіргі кезде сотқа дейінгі тергеу жүргізіліп жатыр
![](https://matritca.kz/wp-content/uploads/2022/09/631ea6d2c976e475628384-780x470.jpeg)
Нұр-Сұлтанда ұйымдасқан қылмыстық топтың жолы кесілді.
Қалалық Полиция департаментінің Ұйымдасқан қылмысқа қарсы күрес басқармасы жедел-іздестіру іс-шараларын жүргізу барысында ұйымдасқан қылмыстық топтың 3 мүшесін ұстады. Олардың ҚР Қылмыстық кодексінің 293-бабының 2-бөлігі «Бұзақылық» бойынша қылмыстық қудалаудан жасырынғаны және Петропавл қаласында іздеу жарияланғаны анықталды.
«Күдіктілерді ұстау кезінде олар травматикалық патрондармен оқталған WALTHER, ОСА тапаншалармен, сондай-ақ суық қарумен қаруланғаны анықталды», — делінген Рolisia.kz таратқан хабарламада.
Аталған дерек бойынша ҚР ҚК 287-бабы бойынша сотқа дейінгі тергеу жүргізілуде, оның санкциясы 2 жылдан 10 жылға дейінгі мерзімге бас бостандығынан айыру жазасы қарастырылған.