«Жүргізуші сыртқа шығып кеткен»: Шымкенттегі алты адамды қаққан автобус апатынан кейін шұғыл кеңес өтті

ЖМ басқармасының басшысы автобус парктерінің басшыларына жүргізушілерді қайта аттестаттаудан өткізуді тапсырды.

Қаза тапқандар мен зардап шеккендердің отбасыларына тасымалдаушы компания қажетті материалдық көмек көрсетеді.

«Жүргізуші соңғы аялдамаға келіп, дәретханаға шыққан. Автобустың есігін жауып, қол тежегішін қоюды ұмытып кетті. Автобустағы камералардан апат кадрларын көрдік, автобус қозғалмады және шамамен 30 секунд тұрды. Содан кейін ол баяу төмен қарай сырғи бастады және адамдарды басып кетті. Автобус тоқтаған кезде екі куәгер автобустың есігін ашып, ешкім жоқ екенін көрді, автобус бос болған. Содан кейін автобус жүргізушісі жүгіріп келіп, қол тежегішін қойды. Жүргізуші оқиға орнынан қашып кетпеді, ол сол жерде болды», – деді Shymkent bus көлік компаниясының директоры Азат Қайыпбеков.

Басқарма өкілдері қазақ тапқандар мен зардап шеккендердің отбасыларына көңіл айтты.

«Кешегі трагедия адам факторы деп санаймыз. Жол-көлік оқиғасынан кейін жүргізушілерге қойылатын талаптар күшейтіледі. Жолаушылар көлігі жүйесіндегі өзгерістердің арқасында  автобустардың жарыстарын тоқтады. Сондай-ақ жүргізушілер шұғыл түрде қайта сертификаттаудан өтуі керек», – деді Шымкент қ. АҚ және ЖМ басқармасының басшысы Мұхтар Қоқанбаев.

Алты адамды қағып кеткен автобус жүргізушісі тергеу изоляторына қамалды. Сотқа дейінгі тергеу жүргізілуде. Қоғамдық көліктің жарамдылығына автотехникалық сараптама тағайындалды.

Оқиғадан кейін автобус тағы 15 метр жүрді. Ол тек көпқабатты үйдің жанында тоқтап, жолындағы қоршауларды сүріп тастады.

«Алыс емес жерде тұрамын, терезеден апатты көрдім. Қызымбес минут бұрын дәл осы жермен жүргенін айтты. Үйден шықсам, адамдар жатыр. Содан кейін полиция қызметкерлері келді, олар түнге дейін жұмыс істеді, автобус та тұрды. Сергек жоқ, балаларымыздың өмірі үшін алаңдаймыз. Мұнда бағдаршам әлі дұрыс орнатылмаған», – дейді Шымкент қаласының тұрғыны Досмұхан Нұрсейітов.⠀

«Өзім апатты көрген жоқпын, бірақ жүргізушінің автобусты тастап кеткенін естідім, содан кейін апат болды. Зардап шеккендердің бірі – менің көршім, қазір ауруханада жатыр», – деді шымкенттік Жұмагүл Тұрарова.

Алты адамның ішінде қазір біреуі ғана тірі.

ЖКО-дан кейін әлеуметтік желілерде шымкенттіктер кондукторлардың жұмысын қайта бастау туралы мәселе көтере бастады. Алайда Шымкенттің бас көлігі кондукторсыз жүйе әзірге күшінде қалып отыр деп жауап берді.