Ауа райы: күндіз еліміз бойынша жел соғып, түнде салқын болады
Республиканың шығыс аумағында жаңбыр жаууы ықтимал
Синоптиктер 23 тамызға арналған ауа райы болжамын жариялады, деп хабарлайды Azattyq Ruhy.
«Солтүстік-батыс антициклоны әсерінен Қазақстанның басым бөлігінде жауын-шашынсыз ауа райы сақталады. Атмосфералық фронталды бөліктердің өтуіне байланысты республикамыздың солтүстік-батысында, шығысында, оңтүстік-шығысында жаңбыр жауып, найзағай болады», — делінген «Қазгидромет» РМК хабарламасында.
Республика бойынша кей жерлерде жел соғып, түнгі және таңғы сағаттарда облыстың солтүстігінде, шығысында, батысында тұман, түнде солтүстігінде, шығысында топырақ бетінде 2 градусқа дейін үсік сақталады.
Күндіз оңтүстік-батыста шаңды дауыл соғуы мүмкін.
Қызылорда облысында, Түркістан облысының оңтүстігінде, шығысында, Атырау облысының шығысында, төтенше өрт қаупі сақталады.
Күндіз Атырау облысында қатты ыстық болады.
