Ақтау гарнизонының әскери қызметкері 11 жасар қызын зорлады деген күдікке ілінді
Бейресми деректерге қарағанда, әкесінің азғындық әрекетін екінші қызы камераға түсіріп алған
![](https://matritca.kz/wp-content/uploads/2022/12/f55f14ed-e010-43a6-907e-51af8270be8d-780x470.png)
Ақтау гарнизонының әскери қызметкері 11 жасар қызын зорлады деген күдікке ілінді, деп хабарлайды Azattyq Ruhy.
Бұл ақпартты InAktau.kz басылымына ҚР Бас әскери прокуратурасы хабарлаған.
Сотқа дейінгі тергеп-тексеру Қазақстан Республикасы Қылмыстық Кодексінің 120-бабы 4-бөлігі («Зорлау») және 124-бабы 3-бөлігі («Жас балаларды азғындық жолға түсіру») бойынша жүргізіліп жатыр.
«Әскери қызметшіге сот қамауға алу түріндегі бұлтартпау шарасын санкциялады. Маңғыстау облысында әскери қызметшілердің балаларға жасаған басқа зорлық-зомбылық фактілері тіркелген жоқ. ҚР Қылмыстық-процестік кодекстің 201-бабына сәйкес өзге мәліметтер жария етуге жатпайды», — деді Бас әскери прокурордың орынбасары Сәкен Ермекбаев.
Бейресми деректерге сүйенсек, күдікті теңіз жаяу әскерінің қызметкері. Ал жәбірленуші 11 жаста. Сексуалдық сипаттағы зорлық-зомбылық әрекеттері жарты жылдай жалғасқан. Бұл жағдайды отбасында екінші қыз камераға түсіріп алған.
Қорғаныс министрлігінің мәліметінше, күдікті қарулы күштер саласында қызмет етпейді, бұл оқиғадан бұрын жұмыстан шығарылыпты