Алматыда мейрамдостық саласына арналған Glovo Academy жобасының тәүге опытлік қарқынды курсы үтте
Операциялық шығындардың өсуі және клиенттер үшін бәсекелестіктің күшеюі Қазақстанның мейрамхана бизнесін дамудың жаңа жолдарын іздеуге мәжбүрлеуде. Мұндай жағдайда табыстылықты сақтауға цифрлық аналитика мен онлайн құралдарды пайдалану көмектеседі. Нарықтың осы сұранысына жауап ретінде Glovo компаниясы халықаралық білім беру платформасы – Glovo Academy жобасын іске қосты. Жобаның алғашқы практикалық қарқынды оқыту курсы Алматы қаласында өтті.
Практикалық семинарға мейрамханалар мен қонақжайлылық саласындағы басқа да мекемелердің 40-тан астам иесі мен басқарушысы, жылдам коммерция нарығының сарапшылары, қала әкімдігінің, Алматы қаласы Кәсіпкерлер палатасының («Атамекен») және «Даму» кәсіпкерлікті дамыту қорының өкілдері қатысты. Интенсив 2022 жылдан бері әлемнің 16 еліндегі 89-дан астам қалада жүзеге асырылып келе жатқан және шағын және орта бизнес (ШОБ) саласындағы 2 000-нан астам кәсіпорынды қамтыған Glovo Local жаһандық бағдарламасының бір бөлігі болды.
Ресми бөлім барысында қатысушылар ШОБ-ты мемлекеттік қолдау шараларын және ШОБ-қа арналған цифрлық технологиялық сервистерді талқылады. Іс-шараның практикалық бөлімі акселератор форматында ұйымдастырылды. Сарапшылар нақты кейстер негізінде Glovo қосымшасының тапсырыстарды жинақтау уақытын қысқартуға, тапсырыстардың күшін жою үлесін азайтуға және қолда бар қуаттарды пайдалана отырып, асүйдің өткізу қабілетін арттыруға мүмкіндік беретін алгоритмдерін талдады.
Интенсивтің жеке бір бөлімі ілгерілету құралдарын талқылауға арналды. Атап айтқанда, Partner Ads жарнамалық платформасы (әр басу үшін ақы төлеу моделі – pay-per-click) таныстырылып, шектеулі бюджет жағдайында нысаналы промоакцияларды өткізу алгоритмдері қарастырылды. Тұтынушылардың мінез-құлқына талдау жасау және тапсырыстар ағынын басқару мен жүктеменің шарықтау шегін болжау үшін Kaspi.kz экожүйесімен интеграциялау мүмкіндіктері пысықталды. Воркшоп соңында рестораторларға қосымша ішіндегі жарнамаға арналған бастапқы промокредиттер мен тегін жеткізу ваучерлері берілді.
«Шағын және орта бизнес – қала экономикасы мен Қазақстанның гастрономиялық келбетінің негізі. Бүкіл ел бойынша біздің 3 000 серіктесіміздің 80%-дан астамын жергілікті кәсіпорындар құрайды, сондықтан олардың тұрақты дамуына қолдау көрсету – біздің басымдықтарымыздың бірі. Glovo компаниясы жұмыс істеген жылдар ішінде сұранысты басқару, цифрлық аналитика және логистика салаларында мол тәжірибе жинақтады. Glovo Academy арқылы біз осы құралдармен кәсіпкерлермен тікелей бөлісеміз. Осылайша, шағын бизнестің сенімді цифрлық серіктесі ретінде мекемелерге өз аудиториясын кеңейтуге және бизнесін дамытуға көмектесеміз», – деп атап өтті Glovo компаниясының Қазақстандағы бас менеджері Руслан Гамзаев.
Өткен интенсив Glovo Academy жобасын Қазақстанда іске асырудың алғашқы кезеңі болды. Glovo компаниясы Қазақстанның басқа өңірлерінде де оқыту сессияларын тұрақты негізде өткізуді жоспарлап отыр.
Glovo Academy бағдарламасы туралы
Glovo Academy — Glovo Local шағын және орта бизнесті қолдауға бағытталған жаһандық бастамасы аясында жүзеге асырылатын халықаралық оқыту бағдарламасы (2022 жылы іске қосылған). Жоба қоғамдық тамақтану және бөлшек сауда салаларындағы кәсіпкерлерге бизнестерін дамытуға, онлайн кеңістіктегі қатысуын нығайтуға және платформаның цифрлық мүмкіндіктерін пайдалануға көмектеседі. Бағдарлама 11 елде жұмыс істейді және 80-нен астам қаланы қамтиды. 2024 жылдан бері оған 1 000-нан астам жергілікті кәсіпорын қатысты.
Glovo компаниясы туралы
Glovo — мейрамханалардан дайын тағамға, дүкендерден азық-түлікке және дәріханалардан дәрілік заттарға қала ішінде тапсырыс беріп, жеткізуге мүмкіндік беретін технологиялық платформа. Жылдам коммерция (q-commerce) саласындағы көшбасшы ретінде Glovo ыңғайлы онлайн-маркетплейс құрып, қаладағы кез келген тауарға санаулы минут ішінде қол жеткізуге мүмкіндік береді. Компания Еуропаның, Орталық Азияның және Африканың 23 еліндегі 1 800-ден астам қалада жұмыс істейді. Қазақстанда Glovo 3 000-нан астам серіктеспен ынтымақтастық орнатқан, олардың 80%-дан астамы шағын және орта бизнес өкілдері.
Толығырақ: https://about.glovoapp.com/.
