Найзағай ойнап, жел күшейеді – 24 қыркүйекте ауа райы қандай болады
![](https://matritca.kz/wp-content/uploads/2022/09/15341318_0_105_2000_1230_1920x0_80_0_0_ae57c0580d0566b1c10d14e5c69e601a.jpg-780x470.webp)
Қазақстан аумағының басым бөлігінде сенбі, 24 қыркүйекте ауа райы жауын-шашынсыз болады.
Республиканың батысында, оңтүстік-шығысындағы таулы аймақтарда найзағай ойнап, жаңбыр жауады. Барлық өңірде жел күшейеді деп болжанып отыр.
Қызылорда, Түркістан, Жамбыл облысының басым бөлігінде, Ақтөбе облысының оңтүстігінде, шығысында, Абай облысының солтүстік-батысында, солтүстігінде, шығысында, Павлодар облысының орталығында, Қарағанды облысының шығыс жартысында, Ұлытау облысының оңтүстігінде, шығысында төтенше өрт қауіп төндіреді. Қостанай, Алматы облыстарының басым бөлігінде жоғары өрт қаупі сақталады.
Дабылды ескерту
Батыс Қазақстан облысында найзағай ойнайды. Батыстан жел соғады, күндіз облыстың солтүстік-батысында екпіні 15-20 м/с жетеді.
Абай облысында төтенше өрт қаупі сақталады.
Қостанай облысының басым бөлігінде жоғары өрт қаупі сақталады.
Маңғыстау облысының солтүстігінде, орталығында найзағай ойнайды. Оңтүстік-шығыстан соққан жел солтүстік-батысқа ауысады, солтүстікте, облыс орталығында екпіні 15-20 м/с жетеді.
Ақтөбе облысының батысында, солтүстігінде оңтүстік-шығыстан соққан жел оңтүстік-батысқа ауысып, екпіні 15 м/с жетеді.
Ірі қалалардағы ауа райы
Астанада көшпелі бұлт шығады, жауын-шашынсыз, күндіз 29-31, түнде 10-12 градус жылы.
Алматыда көшпелі бұлт шығады, жауын-шашынсыз, күндіз 28-30, түнде 15-17 градус жылы.
Шымкентте көшпелі бұлт шығады, жауын-шашынсыз, күндіз 32-34, түнде 15-17 градус жылы.