2023 жылы 28 трлн: Қазақстанның мемлекеттік бюджеті қайда жұмсалады
Сарапшылардың пікірінше, шығындардың ішінде ең үлкен үлес білімге тиесілі, деп хабарлайды Ulysmedia.kz.
Экономикалық зерттеулер институтында Қазақстанның 2023 жылғы мемлекеттік бюджетінің шығыстары 2022 жылмен салыстырғанда 24% артып, 28 трлн теңгеге жеткені туралы хабарланды.
Шығындар
Шығындар (қайтарылмайтын негізде бөлінетін бюджет қаражаты) 2023 жылы мемлекеттік бюджеттің барлық шығыстарының 95,7% құрайды. Ол шығындар 24,3% өскен.
Қаражат қайда жұмсалады
– Шығындар ішінде ең көп үлес білімге – 21,7%, әлеуметтік көмек пен әлеуметтік қамсыздандыруға – 19,7%, ең аз үлес өнеркәсіпке, сәулет, қала құрылысы және құрылыс қызметіне – 0,4%, отын-энергетика кешеніне және жер қойнауын пайдалануға – 1,3% тиесілі, — деп хабарлады сарапшылар.
Несиелер мен активтер
Бюджеттік кредиттер (бюджеттен қайтарымды, мерзімді және ақылы негізде бөлінетін ақша) 2023 жылы мемлекеттік бюджеттің барлық шығыстарының 2,5% құрайды.
– Қаржы активтерін сатып алу (заңды тұлғалардың, оның ішінде халықаралық ұйымдардың қатысу үлестері мен бағалы қағаздарын мемлекеттік меншікке сатып алуға бағытталатын бюджет қаражаты) 2023 жылы мемлекеттік бюджеттің барлық шығыстарының 1,8% алады. Олар 2022 жылмен салыстырғанда 1,7 есеге артып, 503,4 млрд теңгеге жетті, — делінген басылымда.
