15 сәуірден бастап елімізде мектеп оқушыларының білім деңгейін тексеру басталады
Елімізде 15 сәуірден бастап мектептерде оқушылардың білім деңгейіне мониторинг басталады. Оған 2 462 орта білім беру ұйымының төртінші және тоғызыншы сыныптарынан 150 мың оқушы қатысады. Бұл туралы Stan.kz ақпарат агенттігі хабарлайды.
ҚР Білім министрлігінің баспасөз қызметі осыған орай МОДО өткізілетінін мәлімдеді.
МОДО – бұл оқу бағдарламаларының тиімділігін бағалауға, оқу процесінің күшті және әлсіз жақтарын анықтауға мүмкіндік беретін, оқушылардың білім сапасын тексеретін қазақстандық ұлттық зерттеу. Нәтиже бойынша әр аймақ пен нақты мектеп бойынша білім беру сапасын арттыру үшін талдау мен әдістемелік ұсынымдар әзірленеді.
«Мониторинг сауаттылықтың үш бағытын бағалайды: оқу, математикалық және ғылыми. Оқушылар тестілеуді компьютерлік форматта тапсырады. Халықаралық зерттеулерге сәйкес, білім беру жетістіктері үшін әртүрлі контексттік факторларды анықтау үшін МОДО шеңберінде сауалнама да жүргізіледі. Сауалнама оқушыларға, педагогтарға, мектеп басшыларына және 4 сынып оқушыларының ата – аналарына арналған», — деп түсіндірді А.Байтұрсынұлы атындағы «Талдау білімді зерттеу және бағалау ұлттық орталығы «АҚ төрағасы Мағжан Аманғазы.
МОДО 26 сәуірге дейін жалғасады. Биылғы жылы тест тапсырмалары халықаралық PISA, PIRLS, TIMSS бағалау шеңберін ескере отырып жаңартылды. Қазіргі уақытта қазақстандық МОДО жүйесі халықаралық аккредиттеуден өтуде.
