Зеленский Врублевскийді Қазақстандағы елші қызметінен алып тастады
Украина президенті Владимир Зеленский ресейліктерге қарсы мәлімдемелермен жанжалдан кейін Петр Врублевскийді Қазақстандағы Украина елшісі қызметінен алып тастады, деп хабарлайды Zakon.kz.
Бұл туралы президент сайтында жарияланған Зеленскийдің жарлығында айтылған.
Врублевский Петр Юрьевич Украинаның Қазақстан Республикасындағы Төтенше және Өкілетті Елшісі қызметінен босатылсын.
Украина Президентінің Жарлығы
Петр Врублевскийдің орнына кім болатыны хабарланған жоқ.
Zakon.kz редакциясы Қазақстан Республикасының Сыртқы істер министрлігіне Петр Врублевскийдің қызметінен босатылғаны туралы растауды, сондай-ақ Украинаның Қазақстан Республикасындағы Елшісі лауазымына ықтимал жаңа кандидатураны алу үшін сауал жолдады.
Бұған дейін Қазақстан Республикасының Сыртқы істер министрлігі Украина Сыртқы істер министрлігінен Астанаға жаңа елші тағайындау туралы өтініш түскенін, оның кандидатурасы келісіп жатқанын хабарлаған.
