Ұлттық банк төрағасы Тимур Сүлейменов қазақстандықтарға зейнетақы қорын алып, жұмсауға емес, керісінше ақшаны жинап, инвестициялауға кеңес берді. Бұл туралы Stan.kz ақпарат агенттігі хабарлады.
Банк төрағасы қордағы ақшаны алуды емес, зейнетке шыққаннан соң қалыпты өмір сүруді қазірден ойлауға шақырды.
“Менің ойымша, зейнетке шығу жасының демографиялық есептеулер бойынша қайта есептеліп, сәйкестік шегі ұлғайтылды. Азаматтарымыз зейнеткерлікке шыққанда лайықты зейнетақы төлемдерін алуы керек. Сондықтан жеткізу шегінен өтудің қажеті жоқ. Әйтпесе өзіміз зейнеткерлеріміздің жағдайын нашарлатамыз», — деп жауап берді ол.
Ұлттық банк басшысы қазақстандықтарға ақша үнемдеуге, бағалы қағаздар нарығын дамытуға және инвестициялауға кеңес берді.
«Қазіргі уақытта жұмсамай, жинақтау әдетін дамыта білу керек. Қазіргі қоғам жұмсау үшін тұтынуға бағытталған. Жаңа нәрсе шыққса 1,5 миллион теңгеге iPhone сатып алады, басқа да нәрселерге құртады. Бұл дұрыс емес.
Сондықтан, артық қаражат болса, кейінірек өзіміз де, балаларымыз да жақсы өмір сүруі үшін оны депозитке, білім шотына салуымыз керек. Зейнетақы жинақтары да солай, қазір бәрін жұмсауға тырысудың қажеті жоқ. Кәрілік туралы да ойлау керек», — деп түйіндеді Сүлейменов.
