Главное
Тұрғын үй мен емделуге жұмсады: тұрғындар зейнетақы жинағынан қанша ақша алды
БЖЗҚ салымшылардың зейнетақы жинақтарына қатысты мәлімет берді
![](https://matritca.kz/wp-content/uploads/2023/06/64942c13c5af4047222706-780x470.jpg)
Қазақстандықтар тұрғын үй жағдайын жақсартып, ем алу үшін зейнетақы жинағынан 3,5 трлн теңге алған, деп хабарлайды Azattyq Ruhy.
2023 жылғы 1 маусымдағы жағдай бойынша 2021 жылғы қаңтардан бастап БЖЗҚ салымшылардың (алушылардың) тұрғын үй жағдайларын жақсарту үшін зейнетақы жинақтарын пайдалануға 1 366 484 өтінішін орындаған.
«Отандастарымыздың уәкілетті оператор-банктерде ашылған арнайы шоттарына БЖЗҚ 3,2 трлн теңгеден астам қаржы аударды. БЖЗҚ емделуге жалпы сомасы 339,3 млрд теңге болатын 418 547 өтінішті орындады», — делінген хабарламада.
Естеріңізге сала кетейік, азаматтар БЖЗҚ-дағы зейнетақы жинақтарын тұрғын үйге, емделуге немесе басқарушы компанияларға аударуға қолжетімді сома шегінде шексіз рет пайдалана алады.