Трамп Ресей мұнайына жаңа санкция салатынын мәлімдеді
АҚШ президенті Дональд Трамп Ресей мен Украина арасындағы бейбіт келісімге қол жеткізу мүмкін болмаса, Ресей мұнайына «екінші деңгейлі тарифтер» енгізуі мүмкін екенін мәлімдеді, деп хабарлайды Azattyq Rýhy.
NBC News-ке берген сұхбатында Трамп Ресей президенті Владимир Путиннің Украина басшысы Владимир Зеленскийге қатысты сынын «дұрыс бағыт емес» деп бағалап, бұл жағдайға қатты ашуланғанын айтты.
«Егер Ресей мен мен Украинадағы қантөгісті тоқтатуға келісе алмасақ және бұл үшін Ресей кінәлі деп тапсам, бұл олай болмауы да мүмкін. Бірақ егер мен Ресейді кінәлі деп есептесем, онда Ресейден келетін барлық мұнайға екінші деңгейлі тарифтер енгіземін», – деді Трамп.
Ол бұл тарифтердің мөлшері 25%-дан 50%-ға дейін болуы мүмкін екенін және Ресей мұнайын сатып алатын елдердің АҚШ-пен бизнес жүргізе алмайтынын атап өтті.
Трамптың айтуынша, егер Мәскеу Украинамен атысты тоқтату туралы келісімге келмесе, жаңа санкциялар келесі айда күшіне енеді.
АҚШ президенті алдағы аптада Владимир Путинмен тағы да келіссөздер жүргізетінін мәлімдеді.
