Шымкент

Шымкентте 50 жастағы велосипедші әйел жол апатынан қаза тапты

Шымкентте 50 жастағы велосипедші жол апатынан қаза тапты, деп хабарлайды Azattyq Ruhy.

Облыстық полиция департаментінің мәліметінеш, қайғылы оқиға 12 қыркүйекте болған.
«Жүк көлігінің жүргізушісі Тәуке хан даңғылы бойында 50 жастағы қала тұрғынының басқаруындағы велосипедпен соқтығысып, жол-көлік оқиғасы болған. Соның салдарынан әйел адам оқиға орнында көз жұмды», — делінген Роlisia.kz хабарламасында.

Аталған дерек ҚР ҚК 345-бабының 3-бөлігі «Көлік құралын басқаратын адамның абайсызда адам өліміне әкеп соққан жол жүрісі немесе көлiк құралдарын пайдалану қағидаларын бұзуы» бойынша тіркелді. Іс бойынша тиісті сараптамалар тағайындалды.

Қазіргі уақытта сотқа дейінгі тергеп-тексеру жұмыстары жүргізілуде, оның нәтижесімен процессуалдық шешім қабылданатын болады.

Другие новости

Back to top button