Госорганы
Шанхай ынтымақтастық ұйымына мүше мемлекеттердің өкілдері Астанаға келді
![](https://matritca.kz/wp-content/uploads/2024/04/662b2abdb9d06101110003-780x470.jpg)
Бүгін Шанхай ынтымақтастық ұйымына мүше мемлекеттер қорғаныс министрлерінің кеңесі өз жұмысын бастайды. Ұйымға мүше елдердің өкілдері Астанаға келді, деп хабарлайды Azattyq Ruhy Қорғаныс министрлігінің баспасөз қызметіне сілтеме жасап.
«Қазақстанның ШЫҰ-ға төрағалығы шеңберінде өткізілетін іс-шараға Үндістан, Иран, Қытай, Қырғызстан, Пәкістан, Ресей, Тәжікстан және Өзбекстан қорғаныс ведомстволарының басшылары қатысады», — делінген хабарламада.
Сонымен қатар, отырысқа Шанхай ынтымақтастық ұйымының Бас хатшысы, ШЫҰ Аймақтық терроризмге қарсы құрылымы Атқарушы комитетінің директоры және Беларусь Қорғаныс министрі шақырылған.
Айта кетейік, бұған дейін Астанаға ШЫҰ-ға мүше елдердің қорғаныс министрлері келетінін хабарлаған болатынбыз.