Саясаттанушы Димаш Әлжанов өзіне біреулер шабуыл жасамақ болғанын мәлімдеді
![](https://matritca.kz/wp-content/uploads/2024/07/snimok-ekrana-2024-07-02-134630-780x470.png)
Саясаттанушы Димаш Әлжановтың айтуынша, оған түн жарымында белгісіз адамдар шабуыл жасамақ болған, деп хабарлайды Ulysmedia.kz.
– Бүгін сағат 00.30-да үйімнің кіреберісінде маған белгісіз екі адам шабуыл жасамақ болды. Олар көлікпен келе жатып, ауладан шығуға тосқауыл қойды, — деді ол.
Әлжанов полицияға жүгініп, арызы қабылданғанын жазады.
Біраз уақыттан кейін саясаттанушы көшедегі бақылау камерасы түсірген бейнені жариялады. Кадрларда белгісіз ер адамдар көліктен қалай шығып жатқанын көруге болады.
– Екі белгісіз адамның қала орталығындағы аулаға кіріп бара жатқанын және менің кіреберісте шабуыл жасамақ болғаннан кейін қашып бара жатқанын видеодан көруге болады. Ауладағы басқа камералар жұмыс істемейді, — деп жазады саясаттанушы
Димаш Әлжанов – қазақстандық саясаттанушы. Қоғамдағы өткір мәселелер жөнінде ойын бүкпесіз айтады. Былтыр мәжіліс пен мәслихаттарға өткен сайлаудың қорытындыларына түсініктеме беріп, олардың легитимділігі әлсіз болғанын айтқан еді.