Қызылордада баланы жарты жыл бойы ұрып келген балабақша қызметкері жұмыстан босатылды
Қызылордада «Нұр-Арай Орда» жекеменшік балабақша-бөбекжайының қызметкері бір жарым жасар баланы ұрып-соққаны үшін жұмыстан шеттетілді. Оның бұл әрекеті бейнебақылау камерасына түсіп қалған. Бұл туралы Stan.kz ақпарат агенттігі хабарлайды.
Оқиға қыркүйек айының басында болған. Баланың анасы полицияға арыз жазып, ұлын 41 жастағы тәрбиешінің көмекшісі ұрғанын айтқан.
«Жедел-іздестіру шаралары жүргізілді. Ол сәуір айынан бері балабақшада мемлекеттік қызметкер болып жұмыс істеген. Қазіргі уақытта жұмыстан босатылды. Балабақшаның құрылтайшысы өз міндеттерін орындай алмаған қызметкер тарапынан құқық бұзушылық жасаған. Бұл баланың құқығын қорғау шараларын орындамау болып саналады», – деп атап өтті мемлекеттік орган.
Басқарма «Нұр-Арай Ордасы» мемлекеттік тапсырыстарды орналастыруды «орынсыз пайдаланылуына байланысты» тоқтатуды ұсынды. Мәселені тиісті мемлекеттік комиссия қарайды.
Полицияның хабарлауынша, аталған іс қылмыстық кодекстің 140-бабының 2-бөлігі — «Кәмелетке толмаған баланы тәрбиелеу жөніндегі міндеттерді орындамау, қатыгездік көрсету» бойынша тергеліп жатыр.
«Тәркіленген бейнежазбалар қылмыстық іс материалдарына қосылды. Сот-медициналық сараптаманың қорытындысы бойынша баланың денсаулығына жеңіл зиян келтірілген. Сот сараптамасының қорытындысы күтілуде. Облыстық білім басқармасына хаттама жолданды», – делінген хабарламада
