Құбылмалылық және қауіпсіздік мәселелері: криптовалютамен байланысты қандай тәуекелдер бар

27.01.2023

«Kaspersky» адамдардың криптовалютаға қатысы туралы зерттеу жүргізді. Сауалнамаға қатысқандардың жартысына жуығы (48%) тұрақсыздықтан қорқып, цифрлық ақшадан бас тартқаны анықталды. Сонымен қатар, респонденттердің 10%—ы активтерін жоғалтып, нәтижесінде инвестициялардан бас тартты. Криптовалютасы жоқ респонденттердің 61%-ы қаражатты жоғалту қаупіне байланысты оны қолдануды қарастырмайтынын айтты.

Сондай-ақ, респонденттердің 14%—ы криптовалютаның құндылығы ешқандай материалдық активтермен қамтамасыз етілмейді деп алаңдайды, ал респонденттердің 6% — ы кибершабуылдарға байланысты жеке деректердің ағып кету қаупінен қорқады.

«Қазіргі уақытта криптовалюталар индустриясының кедергілеріне қарамастан, бұл салыстырмалы түрде жаңа, инновациялық және үлкен әлеуетке ие бағыт екенін есте ұстаған жөн. Кез-келген дамып келе жатқан технология сияқты, оның шарықтауы мен құлдырауы болуы мүмкін, бірақ ұзақ мерзімді перспектива өте жақсы. Қауіпсіздікке тиісті назар аудара отырып, криптовалюта иелері ақшаны немесе дербес ақпаратты жоғалту қаупін азайтып, тиісті қауіптерден қорғай алады», — деп түсіндірді «Kaspersky»-дің Қазақстан, Орталық Азия және Моңғолиядағы атқарушы директоры Валерий Зубанов.

Криптовалюталардың артықшылықтарын қауіпсіз пайдалану үшін «Kaspersky»-дің мамандары мыналарды ұсынады:

• әр есептік жазбаға ғана тән күшті құпия сөздерді қолданыңыз, бұл бұзудың алдын алуға көмектеседі;

• күдікті хаттар мен сілтемелерден сақ болыңыз: фишинг арқылы шабуылдаушылар жәбірленушілерді жеке шоттарға немесе жеке ақпаратқа кіру үшін тіркелгі деректерін беруге көндіруге тырысады;

• крипто әмияныңыздың құлпын ашу үшін жеке кілттерді ешкіммен бөліспеңіз;

• цифрлық сауаттылыққа назар аударыңыз: өзекті киберқауіптер мен криптовалютаны қорғау тәжірибелерінен хабардар болыңыз. Мүмкін болатын алдау схемалары туралы неғұрлым көп білсеңіз, соғұрлым оларға қарсы тұра аласыз;

• барлық құрылғыларға сенімді

қорғаныс шешімін орнатыңыз. Мысалы, «Kaspersky»өнімдері криптовалютаға байланысты қауіптердің алдын алады, соның ішінде криптовалюта өндіру үшін компьютерді рұқсатсыз пайдалану.

* Сауалнаманы 16 елде «Kaspersky» тапсырысы бойынша Arlington Research жүргізді. Барлығы 16 елде 12000 адамнан сұхбат алынды: Австрия, Бразилия, Колумбия, Франция, Германия, Үндістан, Малайзия, Мексика, Сауд Арабиясы, Оңтүстік Африка, Испания, Швейцария, Түркия, БАӘ, Ұлыбритания және АҚШ.