Қостанайдағы жоғалған қызды іздеу жұмыстары: Полиция оперштаб нөмірін берді

Полиция еріктілердің үлкен көмегін атап өтті. Іс-қимылдарды үйлестіру үшін полицейлер жедел штабтың нөмірі бойынша азаматтардан хабарласуды сұрады, деп хабарлайды BAQ.KZ.

Қостанай облысының ПД Жамбыл кентінің әкімдігінде орналасқан жедел штабтың нөмірін хабарлады.

Полиция іздеуге қатысатын адамдардың әрекеттерін үйлестіру қажеттілігін атап өтті.

Барлық іс-қимылды Жамбыл кентінің әкімдігінде орналасқан жедел штаб арқылы келісуді сұраймыз. Үйлестіру телефоны 8 775 105 91 72, — деп хабарлады Қостанай облысының ДП.

Жоғалған қызды іздеу түні бойы жүрді және әлі де жалғасып жатыр. 33 га және 10 га екі жүгері алқабы, сондай-ақ екі картоп алқабы түгел тексеріліп шықты.

9 тамызда іздеу шараларына Ұлттық ұланның әскери қызметшілері мен шекара әскерлері қосылды. Таң атқаннан бастап аумақты қарау жалғасып жатыр, іздеу аймағы 100 гектардан асады.

Естеріңізге сала кетейік, бес жасар қыз 7 тамыз күні таңертең Қостанай облысының Жамбыл ауылында жоғалып кеткен еді. Бала өзінің үлкен 18 және 13 жастағы әпкелерінің бақылауында болған. Олар таңертең оянып, сіллісінің үйде жоқ екенін анықтаған.

Кейін қыздың жолдан өтіп бара жатқаны бейнебақылау камерасына түсіп қалғаны туралы бейне тараған болатын.

Барлық құқықтар қорғалған. baq.kz белсенді сілтемені пайдаланыңыз: https://baq.kz/qostanaydagy-zhogalgan-qyzdy-izdeu-zhumystary-politsiya-opershtab-nomirin-berdi-284678/