Қазақстандықтардың жеке мәліметтері жария болған: ресейлік компанияға қатысты тың мәлімет жарияланды
Бірнеше ай бұрын ресейлік «Сирена Трэвел» компаниясының деректері жарияланып кеткені белгілі болды. Оның ішінде қазақстандықтардың да жеке мәліметтері жария болған. Цифрлық даму министрлігі компанияның жазаланғанын мәлім етті, деп хабарлайды Azattyq Rýhy.
Ақпараттық қауіпсіздік және сыбайлас жемқорлыққа қарсы халықаралық орталықтың ақпараттық қауіпсіздік комитетінің басшысы Руслан Әбдіқалықовтың айтуынша, компанияны Ресей билігі жазалаған.
«Біз өткен аптада «Роскомнадзордан» жауап алдық». Олар ресейлік компанияның Ресей заңнамасына сәйкес жазаланғанын хабарлады. Бұл жазаға қатысты. Ал өтемақыға келер болсақ, өкінішке қарай, қазір Ресейдің де, Қазақстанның да заңнамасында мұндай процедура жоқ, біз мұны тек жоспарлап отырмыз», — деп түсіндірді Әбдіқалықов.
Әзірге қазақстандықтарға келтірілген шығынды өтеуге әрекеттенудің жалғыз жолы – компанияны Ресейде сотқа беру, дейді ол. Бірақ алдымен қандай да бір зиян келтіргенін дәлелдеу керек.
Айта кетейік, Ресейде жеке мәліметтері таралып кеткен қазақстандықтарға egov-тан хат келетіні хабарланған.
