Қазақстандағы су тасқыны: өңірлердегі ахуал қандай

Батыс Қазақстан

ТЖМ мәліметінше, Түркістан облысының құтқарушылары Батыс Қазақстан облысы, Ақжайық ауданы, Чапаев елді мекенінде жағалауды нығайту бойынша жұмыстарына жұмылдырылған. Бүгінгі таңда шамамен 15000 қап инертті материалдармен толтырылып, төселген. Ал Қызылорда облысы ТЖД қызметкерлері Орал қаласындағы Коминтерн учаскесіндегі тұрғын үйлердің айналасында қорғаныс бөгетін құру мақсатында 6000 дана қапшықтар төсеген.

Құтқарушылар Батыс Қазақстаннан да келген. Теректі ауданының Подстепное ауылында су басудың алдын алу мақсатында маңғыстаулық құтқарушылар 2200 дана қапшық төселіп, су айдау жұмыстары жүргізген.

Түнде Орал қаласында бау-бақша серіктестіктері орналасқан Орал өзенінің жағасында орналасқан халықты ақпараттандыру және алдын ала эвакуациялау жұмыстарын Астана қаласы мен Қызылорда облысы ТЖД-нің жеке құрамы жүзеге асырды.

Жылыойдағы жағдай

Жылыой ауданында су тасқыны салдарын жою жұмыстары тәулік бойы жалғасты. Ауданда Жем өзенінің су деңгейі көтеріліп, тұрғын үйлер мен ғимараттарды су басқан болатын. Қазіргі уақытта су басқан тұрғын үйлерден су айдау жұмыстары жүргізіліп жатыр. Су тасқыны басталғалы, Жылыой ауданында: 731,300 текше метр су сорылды; 245 000 топырақ және 397 000 тонна инертті материалдар төселген.

Солтүстік Қазақстан

Солтүстік Қазақстанда өңір әкімі Ғауез Нұрмұхамбетов үлкен судың ортасында қалған Прибрежное ауылының тұрғындарымен кездескен. Өңір басшысы қиын сәтте ауылдықтарға қолдау көрсетуді жөн көріп, су тасқынынан зардап шеккендерге мемлекет тарапынан барынша көмек көрсетілетіні туралы айтқан. Азаматтар өздерін толғандырған сұрақтарын қойып, оларға барынша жауап берілгенін әкімдік хабарлайды. Ауылда әкімдік тұрғындардан келтірілген шығынды өтеу туралы өтініштерді қабылдауды бастайды. Ол үшін эвакуациялау пунктінде Старлинк спутниктік интернеті орнатылды.

Су тасқынының алғашқы күндері тұрғындардың бір бөлігі ауылдан тікұшақпен көшірілген.

28237 әскери бөлімінің жеке құрамы Қызылжар ауданындағы Петропавл қаласының әуежайына бағытталған жолында бөгеттерді күшейту жұмыстарын жалғастырды.

Солтүстік Қазақстан облысының Новоишимское ауылында полиция қызметкерлері тұрғындар тастап кеткен үйлерді бақылап жүр. Ғабит Мүсірепов атындағы аудандағы ауылдардан рекорд деңгейіндегі су тасқыны басылған: мұнда 30 адам эвакуацияланған.

Қазавожол не дейді?

Республикалық маңызы бар автомобиль жолдарындағы су тасқыны туралы ағымдағы ақпаратты Қазавтожол таратты. Мекеме мәліметіне қарағанда, 2024 жылдың 18 сәуіріндегі сағат 09:00 жағдай бойынша халықаралық және республикалық маңызы бар автомобиль жолдарында ауа-райының жылынуы мен қардың тез еруі салдарынан 3 облыста (Ақмола, СҚО, Қостанай) 8 жол жүру учаскесінде жалпы ұзындығы 7120 метр болатын су тасқыны болған. 5 облыстағы (Ақтөбе, Ақмола, Атырау, Қостанай, СҚО) республикалық маңызы бар 12 автомобиль жолдарында (ұзындығы 720 км) қозғалысқа шектеу қойылған.

Қазақстандағы су тасқыны

Еске сала кетейік, елде бірнеше күннен бері бірнеше өңірде су тасып, ондаған ауданда төтенше жағдай жарияланды. Су тасқыны ең үлкен қауіп туғызып отырған өңірлер қатарында Атырау, Батыс Қазақстан, Солтүстік Қазақстан, Қостанай облыстары бар. Ресейдің Ор қаласында дамбының жарылуы қосымша қиындық туғызған. Құлсары қаласында ең күрделі жағдай тіркеліп, адам шығыны тіркелді.

Премьер-министр, штаб жетекшісі осы ретте Олжас Бектенов жауаптыларға бірқатар тапсырма берген. Солтүстік Қазақстанда су өзеннен тасып,  облыс орталығының бірнеше ауданын су басты.

Ulysmedia.kz редакциясының бас редакторы су тасыған Құлсарыға барып, арнайы репортаж түсірген болатын.