Қазақстанда өз пәтеріңізге ақша жинау үшін қанша жыл керек

Негізгі факторлар
Өз баспанасына қаражат жинау мерзімі екі негізгі факторға байланысты:

1. Тұрғын үйдің құны
2. Өңірдегі орташа жалақы деңгейі

Қай өңірлерде пәтер бағасы ең қымбат әрі ең арзан екенін бұдан бұрын жарияланған материалдан көруге болады.

Жалақы
Алдымен әр өңірдегі орташа айлықты ескеру маңызды. Krisha.kz сарапшылары бұл ретте Ұлттық статистика бюросының деректеріне сүйенген.

2024 жылғы мәлімет бойынша:

• Ең жоғары жалақы — Маңғыстау облысында: 640 938 теңге
• Ең төменгі жалақы — Түркістан облысында: 304 325 теңге

Мегаполистер бойынша:

• Астана — 604 104 теңге
• Алматы — 539 125 теңге
• Шымкент — 330 193 теңге

Қанша жыл жинау қажет

Орта есеппен алғанда, қазақстандықтарға бір бөлмелі пәтерге ақша жинау үшін 4 жылдан 8 жылға дейін уақыт қажет. Бұл үшін табыстың жартысын немесе түгелін үнемдеп отыру керек.

Ең аз уақыт ішінде баспана жинай алатын өңірлер:

• Атырау — 3 жыл 7 ай
• Ақтау — 3 жыл 8 ай
• Қызылорда — шамамен 4 жыл

Ең ұзақ жинайтындар – алматылықтар:

• Алматыда тұрғын үйдің бағасы ең жоғары, ал жалақы өзге мегаполистермен салыстырғанда орташа деңгейде. Сондықтан жинау мерзімі — 8 жылдан астам.

Сонымен қатар ұзақ жинайтын қалалар:

• Шымкент — 7 жыл 9 ай
• Петропавл — 7 жыл 3 ай
• Түркістан — 6 жыл 1 ай

Астанада орта есеппен 5 жылдан сәл асады.