Госорганы
Қазақстанда мопедтің қатысы бар жол апаттарынан 78 адам қаза тапқан
Былтыр Қазақстан жолдарында мопед жүргізушілерінің қатысы бар 2 мыңға жуық жол апаты тіркеліп, 76 адам қаза болды. Ал осы жылы кәмелетке толмаған екі бала қаза тапқан. Бұл туралы ІІМ әкімшілік полиция комитетінің төрағасы Қайсар Сұлтанбаев мәлімдеді, деп хабарлайды Azattyq Rýhy.
Оның айтуынша, мопед санының жыл сайын өсуі және осы көліктерге қатысты болған жол апаттарының көбеюі оларды құқықтық саланы қайта қарауды талап етті.
«2024 жылғы 12 ай ішінде республика жолдарында мопедтерге қатысты 1819 жол-көлік оқиғасы тіркелді, салдарынан 76 адам қайтыс болды, 1945 адам жарақат алған. Биыл үш айдың қорытындысы бойынша мопед жүргізушілері 103 жол-көлік оқиғасына қатысты болған, кәмелетке толмаған екі бала қайтыс болды, 105 адам жарақат алды. Мысалы 13 наурызда Талдықорған қаласында 9-сынып оқушысы екінші жолдан басты жолға мопедпен шығып, жеңіл көлікпен соқтығысқан. Кәмелетке толмаған бала оқиға орнында қаза тапты», — деді Сұлтанбаев Орталық коммуникациялар қызметінде өткен брифингте.
