Госорганы
Қазақстанда көлік салығына қатысты өзгерістер болады
Премьер-министр Олжас Бектенов сенаторлардың депутаттық сауалына берген жауабында көлік салығын өзгерту жоспары қарастырылып жатқанын мәлім етті. Бұл туралы Stan.kz ақпарат агенттігі хабарлайды.
Үкімет басшысы жауапта көлік иелері көліктердің қызмет ету мерзімі мен құнына байланысты бірнеше жылдан бері жеңіл көліктерге салық салуды қайта қарау мәселесін айтылып жүргенін атап өтті.
Бектенов автокөліктің шығарылған жылына байланысты салық салудың сараланған тәсілі ұсынылатынын айтты.
«Көлік құралдарына салынатын салық ставкалары бойынша төмендету коэффициенттерін белгілеу ұсынылады: шығарылған жылы 10 жылдан 20 жылға дейінгі автокөліктер үшін, 0,7 – шығарылғанына 20 жылдан астам автомобильдер үшін – 0,5”, – делінген Бектенов жауабында.
Премьер-министрдің айтуынша, қазір бұл мәселе пысықталып жатыр.
«Ұсынылған тәсілдер бойынша түпкілікті шешім қабылданғаннан кейін олар жаңа Салық кодексінің жобасына енеді», – деді үкімет басшысы.
