Қазақстанда «7-20-25»-ке ұқсас ипотекалық бағдарлама әзірленіп жатыр

Индустрия және инфрақұрылымдық даму министрлігі жаңа ипотекалық бағдарлама әзірлеп жатыр. Ол «7-20-25» бағдарламасына балама болмақ. Бұл туралы ведомство басшысы Қайырбек Өскенбаев айтты, деп хабарлайды Zakon.kz.

Министрдің айтуынша, жаңа ипотекалық бағдарлама қазірдің өзінде таныстыруға дайындалып жатыр. Қазір оның шарттары заң жобасы аясында қарастырылып жатыр.

Ең бастысы — бастапқы жарнаның болуы. Мүмкіндік болса, мөлшерлеме 7% деңгейінде белгіленеді, — деді Қайырбек Өскенбаев үкімет отырысында.

Сонымен қатар қазір министрлік отбасының цифрлық портреті арқылы берілетін атаулы әлеуметтік көмек мәселесін қарастырып жатыр.

Бізді ең әуелі халықтың әлеуметтік осал топтары алаңдатады. Бірақ жұмыс істейтін және отбасын құрып жатқан адамдардың негізгі бөлігін ұмытпауымыз керек. Оларды баспанамен қамтамасыз ету үшін мекенжай бойынша әлеуметтік көмек көрсету мәселесін қарастырып жатырмыз. Біз жіктемейміз. Ал әр отбасыға ондағы қиындықтарды негізге ала отырып, көмек көрсетеміз. Бірақ бұл әлі де қарастырылып жатыр.Қайырбек Өскенбаев