Қайрат Сатыбалдының шетелге 300 млн долларды заңсыз шығарғаны анықталды
Антикор оны ел бюджетіне қайтармақ
Сыбайлас жемқорлыққа қарсы іс-қимыл агенттігі Қайрат Сатыбалдыұлы мен басқа да адамдарға қатысты қылмыстық жолмен алынған ақшаны және өзге де мүлікті заңдастыру фактілері бойынша сотқа дейінгі тергеп-тексеруді жалғастырып жатыр, деп хабарлайды Azattyq Ruhy.
Жедел-іздестіру іс-шараларының нәтижесінде алыс шетелде фигуранттарға тиесілі құны 230 миллион АҚШ долларынан асатын, мемлекет кірісіне айналдырылған эксклюзивті асыл тастар мен зергерлік бұйымдар анықталып, елге қайтарылды.
Сонымен қатар, Қайрат Сатыбалдыұлының шетелдік бағалы қағаздарға 300 миллион АҚШ долларын салу фактісі анықталды. Көрсетілген сома жақын арада Қазақстан бюджетіне түседі.
Мемлекет басшысының тапсырмасы бойынша заңсыз әкетілген капиталды іздеу және елге қайтару жалғасып жатыр.
