«Президент – халықтың жалдаған менеджері»: Тоқаев қандай жұмыс істеп жүргенін айтты
Президент Қасым-Жомарт Тоқаев Астана халықаралық форумында Қазақстандағы саяси реформаларға тоқталып, өзінің қандай қызмет атқарып жүргенін айтты, деп жазады Azattyq Rýhy.
Мақсатымыз — инклюзивті экономика құру
Тоқаевтың айтуынша, соңғы бірнеше жылда Қазақстанда ауқымды экономикалық және институционалдық реформалар өткен.
«Біздің мақсатымыз айқын – барынша әртараптандырылған, инклюзивті және келешекке бағдарланған экономика құру. Экономикалық өсім орнықты болумен қатар, оның игілігі әр азаматқа әділ бөлінуге тиіс», — деді Тоқаев.
«Күшті Президент – ықпалды Парламент – есеп беретін Үкімет»
«Елімізді түбегейлі жаңғыртып, Әділетті Қазақстанның негізін қалау үшін мемлекеттілікті нығайтуға көп күш-жігер жұмсап жатырмыз. Жалпыұлттық референдум арқылы Конституциямызға өзгеріс енгізіліп, басты билік институттарына реформа жасалды. Біз суперпрезиденттік жүйеден бас тарттық. «Күшті Президент – ықпалды Парламент – есеп беретін Үкімет» қағидасын басшылыққа алатын, тежеу мен тепе-теңдік жүйесі бар президенттік республика жолын таңдадық. Бұл тұжырым Қазақстандағы саяси жүйенің ерекшеліктеріне мейлінше лайықты модель екеніне кәміл сенемін», — деді президент.
Президент – халықтың жалданған менеджері
Қасым-Жомарт Тоқаевтың айтуынша, қазір Қазақстанда президент өкілеттілігі бір рет және 7 жылға сайланады.
«Мұндай шешім бұрын-соңды қабылданбаған. Менің ойымша, бұл қадам еліміздің саяси жүйесін нығайтуға, экономикасын дамытуға және өркениетті қоғам құруға негіз болады», — деді Тоқаев.
