ҚР Премьер-Министрінің тапсырмасы бойынша Премьер-Министрдің орынбасары Серік Жұманғарин мен төтенше жағдайлар министрі Юрий Ильин Екібастұзға барды, деп хабарлайды Экспресс К.
Бұл туралы Үкімет басшысының баспасөз қызметі мәлімдеді.
Екібастұзға барған Үкімет мүшелерінің міндеттері — апаттың себептерін анықтап, зардап шеккен тұрғындардың кезек күттірмейтін мәселелерін шешу. Төтенше жағдай зардаптарын жедел жою ісі бақылауға алынды.
ҚР Премьер-Министрінің баспасөз қызметі
Қазіргі уақытта ЖЭО-да 6 қазандық жұмыс істеп тұр. 143 көп қабатты және 132 жеке үйге, сондай-ақ 13 әлеуметтік нысанға жылу беру қалпына келтірілді. 21 учаскенің 20-сында жөндеу жұмыстары аяқталды,
Басқа да мәселелерді анықтау мақсатында Үкімет мүшелері үйлерді аралап жүр. Қазіргі уақытта қалада азаматтар үшін 14 жылыту пункті жасақталған.
Сондай-ақ, Екібастұзда Мәшһүр Жүсіп көшесіндегі тұрғын үйлерде қалпына келтіру жұмыстары жүргізілуде.
