Мәжілістің жалпы отырысынан кейін палата спикері Ерлан Қошанов Парламент сайлауы туралы сұрақтарға жауап берді, деп хабарлайды Azattyq Ruhy.
«Президент электоралды циклды жариялады. Парламент сайлауы келесі жылдың алғашқы жарты жылында өтеді. Оны Президент жариялайды. Одан кейін, сәйкесінше, жаңа Үкімет құрылады. Мерзім бойынша Президенттің айтқанын күту керек. Келесі жылдың жарты жылында Мәжіліс те таратылып, жаңасы сайланады. Жаңа Үкімет жасақталады. Осы Үкімет қала ма, басқа Үкімет келе ме, оны Президент шешеді», — деді Ерлан Қошанов.
Ол атағандай, бұл туралы Президент өз Жолдауында да айтты.
