Өмір бойына сотталған Владислав Челах «Арқанкергендегі оқиғаның шын мәнінде қалай болғанын» айтуға дайын екенін мәлімдеді

Қазақстан-Қытай шекарасындағы «Арқанкерген» бекетінде 15 адамды өлтірді деп айыпталып, өмір бойына сотталған Владислав Челах Қасым-Жомарт Тоқаевқа хат жазып, тергеуді қайта бастауды сұрады.

Челах өз хатында оқиғаның қалай болғанын егжей-тегжейлі айтуға дайын екенін және «жазықтылардың барлығы» өз жазасын алуы керегін мәлімдеген.

«Мен көп нәрсе сұрамаймын, тек тыңдап, маған мүмкіндік берсеңіз болды. Мен оқиғаның қалай болғанын айтқым келеді және дайынмын. Мен тергеушілерге барлық жауапты беруге әзірмін. Қайғылы жағдайдың қалай болғаны сол күйі ашылмай қалды», – деп жазды ол.