Нигериядағы байкерлер карнавалында 14 адам қаза тапты

BBC агенттігінің жазуынша, салтанатты шеруді көріп отырған адамдарды көлік басып өткен. Жарақат алғандар саны да көп,

Куәгерлердің айтуынша, жылдамдықты асырған жүргізуші рөлге ие бола алмаған.

Карнавал 2004 жылдан бері өткізіліп келе жатыр. Бір айға созылатын мерекелік іс-шараға бүкіл елден және шетелден туристер тартылады. Ұйымдастырушылар оны Африкадағы ең үлкен көше кеші деп атайды. Салтанатты шеру COVID пандемиясына байланысты екі жылдық үзілістен кейін кең ауқымда басталған еді.

Карнавалға жергілікті атақты адамдар да белсене қатысады, олардың кейбіреуі түрлі-түсті карнавал костюмін киіп, мотоцикл трюктерін жасайды.

Полиция қамауға алынған жүргізушінің мас болғанын растады. Оқиғадан зардап шеккен 15 жастағы баланың әкесі Мұса Кутаманың айтуынша, жүргізуші жолға ақша шаша бастаған, жиналғандар оларды алуға асыққан. Оның ұлы – Әскери-теңіз госпиталіне және Калабар университетінің оқу госпиталіне емделуге жеткізілген 24 адамның бірі.

Штат губернаторы бен Бен Аяденің мәлімдемесінде апат жасаған жігіттің карнавал аумағына бөгде көліктің кіруіне жол бермейтін көптеген тосқауылдардан қалай өткенін зерттеп жатыр. Губернатор байкерлер шеруін тоқтатты, бірақ Жаңа жыл қарсаңында отшашумен аяқталатын карнавалдың негізгі бөліміне жоспарланған басқа іс-шаралар өтеді.