«Мен қазір келем» деді: ағасы Салтанат Нүкенова өлген түн жайлы айтып берді

– Біз 8-нен 9 қарашаға қараған түні сөйлестік. Ол маған 9 қарашада сағат 00.40-та қоңырау шалды. Мен оянып, ол менен үйдесің бе деп сұрады. мен «иә» дедім. Ол «мен қазір келемін» деді — дейді Айтбек Амангелді.

24 минуттан кейін ағасы Салтанатқа жазып, қашан келетінін сұраған.

– 02.05-те оның телефонынан маяк келді, мен қайта қоңырау шалып едім, тұтқаны лақтырып тастады. Ол қоңырау шалған кезде, сағат 00.40-та оның орналасқан жерін тексердім, телефон мейрамханада екен. Біраз уақыттан кейін, түнгі сағат 2-де, маяк болған кезде мен оның орналасқан жерін қайта тексердім. Орналасқан жері көрші ғимарат – Talan Towers болып шықты.  Ол жақта қонақ үй бар еді. Мен ол түнеуге барған шығар деп шештім. Таңертең 07.46-да оған хат жаздым. Оның геолокациясы оның әлі күнге дейін Talan Towers ғимаратының бір жерінде екенін көрсетті. Таңғы сағат 07.46-да ол әлі ұйықтап жатқан шығар деп, кейінірек жауап берер деп ойладым, — дейді марқұмның ағасы.

Ағасы таңертең Салтанатқа жазған хабарламаны түскі ас кезінде оқығанын көрген, бірақ жауапсыз қалған.

– Сағат 20.00-ден 21.00-ге дейін маған Салтанаттың құрбысы қоңырау шалып, қатты дауыспен «бұл рас па, жоқ па?» деп сұрай бастады. WhatsApp-тан келген, «9 қарашада Қуандық Бишімбаев «Бао» мейрамханасында Салтанатты өлтіргені туралы хабарламаны» жіберді, — деді Айтбек Амангелді.

– Мен Салтанатқа қоңырау шала бастадым, жауап бермейді. Оның орналасқан жерін телефон арқылы қараймын, телефон үйде тұр. Сол жерде шығар дедім де, бірден шықтым. Пәтерде жарық жанбағанын көріп, бәрібір көтерілдім, есік қақтым. Ешкім ашқан жоқ. Содан кейін мен полицияға қоңырау шалып, осындай хабарламалар алғанымды және әпкем үшін алаңдайтынымды айттым, олар маған Салтанаттың өлтірілгені рас деп жауап берді. «Сізге көңіл айтамыз, гастроорталыққа келу керек» деп жауап берді, – дейді марқұмның ағасы.