Главное
Малайзияда газ құбыры жарылды: 190 баспана өртеніп кеткен (ВИДЕО)
Малайзиядағы газ құбыры жарылысынан соң 305 адам ауруханаға жатқызылған, деп хабарлайды Azattyq Rýhy.
Reuters жазуынша, сейсенбі күні таңертең Petronas ірі мұнай компаниясының газ құбыры жарылып, өртке оранған. Астанаға жақын Пучонг қаласында болған апат түскі уақытта толықтай өшірілген. Өрттің салдарынан 305 адам зардап шегіп, 190 үй жанып кеткен. Қазақ тапқандар жоқ. Ауруханаға түскендердің жағдайы тұрақты деп мәлімдеді елдің денсаулық сақтау министрі.
Bernama мемлекеттік ақпарат агенттігі 145 адамның емделіп жатқанын, 41 адамның ауруханадан шыққанын хабарлады.
Малайзияның премьер-министрі Ануар Ибрахим үкімет пен Petronas барлық жауапкершілікті мойнына алады деп уәде берді.
Оның сөзінше, өртенген аумақты қалыпқа келтіруге бір жылдай уақыт керек болады.
