Туркестанская область
Жетісайда ата-анасы екі кішкентай баласын құлыптаулы көлікке қалдырып кеткен
![](https://matritca.kz/wp-content/uploads/2022/08/whatsapp-image-2022-08-24-at-204000-780x437.jpeg)
Ерлі-зайыптылар диагностикалық орталыққа кезекке тұрып келу үшін 10 минуттай ғана уақытқа кеткенін айтты, деп хабарлайды Zakon.kz.
Полицейлерге Жетісай қаласының тұрғыны хабарласып, қала көшелерінің бірінде Toyota Camry көлігінің ішінде 5 жасар қыз бен сәби жалғыз қалғанын мәлімдеді, деп жазды Ішкі істер министрлігінің ақпарттық порталы.
Оқиға орнына бірден шыққан полицейлер тиісті тексеріс жұмыстарын жүргізді. Нәтижесінде балалардың ата-аналары анықталып, жауап алынды.
Қазір нәресте мен 5 жасар қыздың жағдайы жақсы, ата-анасының жанында.
Тәртіп сақшылары кішкентайлардың ата-анасына түсіндіру жұмысын жүргізді.