Жазғы маусымда 12 мыңға жуық лагерь жасақталады – министр
Қалалар сыртында 236-ға жуық сауықтыру лагері ашылмақ
Үкімет отырысында Денсаулық сақтау министрі Ажар Ғиният жазғы демалыста балалардың денсаулығын сауықтыру туралы айтты, деп хабарлайды Azattyq Ruhy.
«Денсаулық сақтау министрлігі каникул кезеңінде балалардың сауықтыру демалысын, бос уақытын және жұмыспен қамтылуын ұйымдастыру кезінде медициналық қызмет көрсетуді қамтамасыз ету бойынша жергілікті атқарушы органдарды үйлестіруді, сондай-ақ сауықтыру мекемелерінде балалардың болу жағдайларының қауіпсіздігіне санитариялық-эпидемиологиялық бақылауды ұйымдастыруды жүзеге асырады», — деді Ғиният.
Ол атағандай, жазғы маусымда 12 мыңға жуық лагер, оның ішінде 11 мыңнан астам мектеп жанындағы лагерь, 236-ға жуық қала сыртындағы сауықтыру лагерін (оның ішінде 18 жыл бойы және 218 маусымдық) ашу жоспарлануда, олардың базасында 1 млн 600 мыңнан астам бала сауықтырылады.
«Медициналық-санитариялық алғашқы көмек деңгейінде баратын балаларды медициналық тексеру, оның ішінде иммундық статусы, денсаулық жағдайы туралы анықтамалар бере отырып, инфекциялық науқастармен байланысының жоқтығын тексеру ұйымдастырылады. Қала маңындағы лагерлерде 400-ге жуық медицина қызметкері медициналық көмек көрсетеді», — деді ол.
