Мангистауская область
Жаңаөзендегі балалар алаңында екі әйел жаға жыртысты
Полиция олармен профилактикалық әңгіме жүргізді
![](https://matritca.kz/wp-content/uploads/2023/03/f552c5c6-eac1-4d83-8086-c3ab4074b1dd-780x470.png)
Әлеуметтік желіде Жаңаөзендегі балалар алаңында екі әйелдің төбелескен видеосы тарады. Жаға жыртысқандардың жеке тұлғалары анықталып, олар полиция басқармасына жеткізілді, деп хабарлайды Azattyq Ruhy.
Lada.kz-тің жазуынша, полицейдегілер екі әйелмен де профилактикалық әңгіме жүргізген.
Кадрларда екі келіншектің бір-бірін жерге құлатып, ұрып-соғып жатқанын көруге болады. Маңайдағы ер адамдар екеуін ажыратуға тырысқан.
Жергілікті полиция департаментінің баспасөз қызметі екі әйелдің де жеке басы анықталғанын айтты.
«Олар Жаңаөзен полиция басқармасына жеткізілді. Әйелдердің бір-біріне деген талаптары жоқ және үстілерінен шағым жазған жоқ. Олармен профилактикалық әңгіме жүргізілді», — деп хабарлады ведомствоның баспасөз қызметі.
Әйелдердің арасындағы кикілжіңнің неден туындағаны белгісіз.