Жамбыл облысында өртеніп жатқан нысаннан үш газ баллоны шығарылды

ТЖМ мәліметінше, өрт бүгін түнде Тараз қаласының жеке тұрғын үйлерінің бірінің аумағында жиһаз цехына айналдырылған қорадан шыққан.

Өрттен құтқарушылар 3 тұрмыстық газ баллонын қауіпсіз жерге шығарды.

«ТЖМ күштерімен шақырту түскен сәттен бастап 29 минут ішінде 20 шаршы метр алаңда өрт жойылды. Өрттің себебі анықталуда», — делінген хабарламада.